Carru Llixeru Trubia

Carru Llixeru Trubia
	modelo de vehículo (es) , modelo de arma (es) y combat vehicle model (en)
	tanque ligero (es)
Información
Fabricante	Fábrica d'armes de Trubia
Historia
Entrada en serviciu	1929
Retirada de serviciu	1939
Exércitu de Tierra d'España
Conflictos	Guerra Civil Española
Carauterístiques
Unidaes fabricades	4
Eslora	5380 milímetros
Anchor	1740 milímetros
Altor	2740 milímetros
Velocidá	30 km/h
Alcance	100 quilómetros
Masa	8,9 tonelaes
Armamentu	3 × Hotchkiss M1914 (es) ; 2 × tronera (es)

Trubia ye'l nome común que recibe'l carru de combate llixeru que constituyó'l primeru de diseñu y construcción españoles dafechu.

Participó nes operaciones al entamu la Guerra Civil Española, anque desendolcó un papel pequeñu.

Desenrollu y producción

Tres les esperiences de la Guerra'l Rif, l'exércitu español decidió financiar un programa de desendolcu d'un carru de combate llixeru de diseñu español.

El nuevu vehículu inspiróse nel fránces Renault FT-17, el vehículu más abondosu en serviciu col exércitu español daquella y unu de los más usaos por munchos exércitos nesa dómina. Los cabezaleros el programa fueron el capitán d'artillería Carlos Ruiz de Toledo, que comandó anantes la batería de tanques d'asaltu Schneider CA1; el comandante Víctor Landesa Domenech (un oficial d'artillería amestáu a la fábrica d'armes de Trubia) y l'inxenieru xefe la fábrica d'armes de Trubia, Rogelio Areces. El primer prototipu escomecipió'l so desdolque en 1925.

Producíu na Fábrica d'armes de Trubia, n'Asturies, al tanque daba-y puxu'l motor de cuatro cilindros (110x180), esfrecíu por agua, Hispano-Suiza con potencia efeutiva de 53,5 CV a 1300 r.p.m.; esti yera'l mesmu motor de los camiones de tresporte pesáu Hispano-Suiza Tipo 40/50 que l'exércitu español emplegaba dende 1915.

Dada la opinión de l'exércitu español de que los FT-17 taben llimitaos en potencia fueu, el Trubia incorporaba una torreta especial, que taba dixebrada en dos metaes articulaes, les cuales podíen operar separtadamente, caúna armada con una ametralladora; poro, teóricamente, si una entartallábase, el carru tenía enaína otra pa defendese. Amás el cascu'l vehículu incorporaba troneres que permitíen a la tripulación disparar per elles dende dientru'l tanque. Esti prototipu foi sometíu a una serie prebes, y el so ésitu provocó la decisión de siguir col desendolque d'un tanque de robla española, que conduz a un meyor diseñu'l tanque Trubia, conocíu como'l Carru Llixeru Trubia de 75 HP, Tiru rápidu, Serie A.

Mientres viaxa per Europa, buscando integrar les tendencies de diseñu foriates nel nuevu Trubia, el capitan alcontró n'Alemaña un nuevu tipu de sistema de tracción. Diseñáu pa evitar que la moruga escarrilase del vehículu, el nuevu diseñu sustituyi el tren de rodaxe tradicional per un sistema que lu caltenía xuníu gracies a una muria metálica llateral, col sistema de rodamientu suspendíu nel chasis. Amás d'esti nuevu sistema de traición, el Trubia diba desendolcar una mayor velocidá, de lo menos 30km a la hora (19 mph), y alcance que'l FT-17. Pa esfrecer el motor y la tripulación, un dispensador d'aire comprimío instalóse dientru'l chasis. Esto resolvía los problemes rellacionaos cola claustrofobia la tripulación y la entrada de gases del motor como asocedía nel FT-17, algamando que la cabina la tripulación fuere muncho más afayadiza. Los 50 CV orixinales (37 kW) fueron aumentaos hasta los 75 CV (56 kW) gracies a un motor Daimler de cuatro cilindros. La transmisión tenía cuatro marches delantre y cuatro atrás. El nuevu tanque resultó afayadizo ya inclusive ameyoraba a los FT-17 en dalgunos aspeutos, poro, ordenóse la construcción de cuatro prototipos.

El primer prototipu foi fabricáu en 1926. Ordenáronse un total de cuatro, pero la produición sufrió abondosos retrasos y en 1928 sólo ún d'ellos taba fináu, demientres los otros tres nun taben armaos. El vehículu completu, nomáu Trubia A4, foi enviáu a la Escuela Central de Tiro de Carabanchel, onde foi sometíu a una serie prebes. El segundu prototipu foi fináu en 1931, demientres que los dos caberos fináronse en 1934. El prototipu orixinal foi devueltu a fábrica en 1935, pa integrar una serie modernizaciones y reparar cualesquier dañu sofríu pol vehículu mentanto el procesu prueba. Los otros tres fueron remitíos al Regimiento de Infantería Milán Nº32, n'Uviéu, onde continuaron les pruebes.

Na amarraza

Tres l'entamu la Guerra Civil Española en xunu de 1936, los tres prototipos de Trubia A4 el reximientu d'infantería Milán quedaron automáticamente en manes les fuercies sublevaes, demientres que'l cuartu prototipu, asitiáu na fábrica de Trubia, foi tomáu pelos trabayadores dela fábrica y rápidamente reparáu pa poder ser puestu al serviciu del exércitu republicanu. Esta unidá perderase mentanto l'asaltu republicanu a Uviéu el 10 setiembre de 1936. A lo cabero la guerra na fastera norte, toles unidaes seríen esguazaes.

Bibliografía

de Mazarrasa, Javier (1998). Los Carros de Combate en la Guerra de España 1936–1939 (Vol. 1º). Valladolid: Quirón Ediciones. p. 160. ISBN 84-87314-37-6.
García, Dionisio (Marzo de 2008). «Trubia: El Primer Carro de Combate Español». Serga (Madrid: Almena) (52): 54-64.

Mortera Pérez, A. Los Carros de Combate Trubia 1925-1939. Valladolid. Quirón Ediciones, 1993

Mortera Pérez, A. Los medios de comunicación de la Guerra Civil Española. Teatro de Operaciones de Levante, Aragón y Cataluña 36/39 2ª Parte. Valladolid. AF Editores, 2011

Referencies

Enllaces esternos