Calendariu hindú

De Wikipedia
Saltar a: navegación, buscar
Calendariu hinduista correspondiente a los años 1871-1872 en Rayastán.

El términu calendariu hindú refierse tantu al calendariu nacional indiu como al conxuntu de calendarios rexonales que s'utilicen na India.

Estructura del calendariu nacional d'India[editar | editar la fonte]

En 1957, por decretu publicáu na Gazette of India, establecióse'l Indian National Calender (‘calendariu nacional indiu’), que ye de tipu calculáu y solar, y que la so dómina ye la saka.

Estaciones y meses nel calendariu indiu
Entamu (calendariu gregorianu)


Nome del mes (n'hindi)


Treslliteración Pronunciación averada Duración (en díes)


Estaciones
22 de marzu चैतर chaitra cheitr 30/31 वसंत (vasant, = “primavera”)
21 d'abril वेशाख vaisakha veshaj 31
22 de mayu जयैषठ o जेठ jyaistha yiesht 31 गरीषम (grishm = “los calores”)
22 de xunu आशाढ़ o असाढ़ asadha ashad 31
23 de xunetu सावन sravana shrávan 31 वरषा (varṣhâ = “les agües”)
23 d'agostu भादरपद o भादों bhadra bhadõ 31
23 de setiembre आशिवन o कवार asvina âshvin o kvâr 30 शरद (sharad = “seronda”)
23 d'ochobre कािरतक kartika kârtik 30
22 de payares अगहन agrahayana aghan 30 हेमंत (hemant = “iviernu”)
22 d'avientu पौष o पूस pausha pûs o paush 30
21 de xineru माघ magha magj 30 िशिशर (shishir = “la rosada”)
20 de febreru फगुन o फलगुन phalguna falgún 30

Nota: los meses preséntense según l'orde del calendariu nacional indiu".

El calendariu nacional indiu úsase por exemplu nos espardimientos de noticies de la All India Radio, y nos calendarios y les comunicaciones publicaes pol gobiernu d'India. Al marxe de tales propósitos formales, el calendariu indiu trocóse pol calendariu gregorianu (que s'usa nel restu del mundu).

Dómines[editar | editar la fonte]

Na India tamién s'utilicen delles dómines: El 21 de marzu de 2000 (según el calendariu gregorianu) empezó:

  • l'añu 1922 de la dómina saka

[1]

  • l'añu 2057 de la dómina vikram
  • l'añu 5103 de la dómina kali.[2]

Díes de la selmana nel calendariu indiu (según los nomes hindis):

  • Llunes: सोमवार somawar
  • Martes: मंगलवार mangalwar
  • Miércoles: बुधवार buddwar
  • Xueves: गुरुवार o बृहसपितवार guruwar
  • Vienres: शुक्रवार sukrawar
  • Sábadu: शनिवार shaniwar
  • Domingu : रविवार o इतवार raviwar

Referencies[editar | editar la fonte]

  1. dómina saka: l'añu 0 foi'l 78 d. 
  2. Según l'astrónomu Varaja Mijira, la dómina de Kali (o kali iuga) comenzó'l 18 de febreru del 3102 e.C.

Ver tamién[editar | editar la fonte]