Comunidá Europea del Carbón y del Aceru

De Wikipedia
(Redirixío dende CECA)
Saltar a: navegación, buscar
Bandera de la CECA

La Comunidá Europea del Carbón y del Aceru (CECA) foi una organización internacional que sirvió pa xunificar los países europeos dempués de la Segunda Guerra Mundial. Foi formalmente establecida pol Tratáu de París (1951), que foi robláu per Bélxica, Francia, Alemaña Occidental, Italia, los Países Baxos y Luxemburgu. La CECA yera la primer organización internacional basada nos principios del supranacionalismu y, caberamente dirixiría la fundación de la Xunión Europea.

La CECA foi primeramente propuesta pol ministru francés d'asuntos esteriores Robert Schuman el 9 de mayu de 1950 como manera d'evitar una futura posible guerra ente Francia y Alemaña. Declaró que'l so oxetivu yera "faer la guerra non yá impensable sinon materialmente imposible" lo que tendría de ser consiguíu al traviés de la integración rexonal, pa la que la CECA yera'l primer pasu. El Tratáu crearía un mercáu común pal carbón y l'aceru ente los sos estaos miembros y sirvió pa neutralizar la competición ente naciones europees sobro recursos naturales, particularmente nel Ruhr.

En 2002, el Tratáu de París expiró y toles actividaes y los recursos de la CECA foron absorbíos pola Xunión Europea.