Boys of Bangladesh
| Boys of Bangladesh | |
|---|---|
| organización | |
 | |
| Llocalización | |
| Sede | Dhaka |
| Direición | Bangladex |
| Historia | |
| Fundación | 2002 |
| Fundador | Robert Biedroń |
| Web oficial | |
 | |
Boys of Bangladesh (conocida popularmente pola so forma embrivida BoB o Boys only Bangladesh), (n'español Mozos de Bangladex), ye la única organización d'homes homosexuales que viven en Bangladex o inclusive puede formase parte d'ella viviendo nel estranxeru. Esta comunidá ye la más antigua del so tipu nesti país, empecipiando a partir de 2002 como una comunidá online na plataforma virtual Yahoo grupos, nun país islámicu onde se considera delitu tener práutiques homosexuales y castígase hasta con diez años de prisión. Esta organización pudo evolucionar gracies al sofitu de la comunidá LGBT internacional, siendo BoB representáu en diversos foros y eventos a lo llargo y anchu del mundu.
La comunidá qu'empecipió so la plataforma de Yahoo sigue esistiendo agora dientro de Facebook con oxetives escamplaes tales como la promoción de los derechos de los homosexuales nesti país, la organización d'eventos, festivales, talleres y desfiles LGBT y principalmente, l'oxetivu de llograr la derogación de la seición 377 del antiguu códigu penal, heredáu de l'antigua colonia británica qu'entá tipifica como delitu los actos homosexuales en Bangladex.[1]
Per munchos años, la comunidá LGBT nesti país yera práuticamente invisible ante la opresión y el conservadorismu de la sociedá islámica imperante, sicasí, líderes d'esta organización suxuren que les coses tán camudando en Bangladex ante la cada vez más frecuente salida del clóset de diversos actores de la sociedá nes que la organización BoB tuvo gran influyencia.[2] A pesar de toos estos esfuercios, lamentablemente, siguen asocediendo situaciones d'asesinatos per odiu escontra miembros de la comunidá LGBT que s'atreven a esixir los sos derechos públicamente, como'l casu de los activistes y editores Xulhaz Mannan y Mahbub Tonoy, antiguos collaboradores d'esta organización, quien fueron asesinaos el 25 d'abril de 2016 por fundamentalistes.[3][4]
Ver tamién[editar | editar la fonte]
Referencies[editar | editar la fonte]
- ↑ «BoB Being out since 2002» (inglés). Boys of Bangladesh. Archiváu dende l'orixinal, el 14 d'ochobre de 2016. Consultáu'l 3 de payares de 2016.
- ↑ «Editor's Letter» (n'inglés). Pink Pages. India's National LGBT Magacín. 2012. http://pink-pages.co.in/xeneral/release/pp7/editors-letter-2/. Consultáu'l 3 de payares de 2016.
- ↑ «Remembering the Two Unsung Heroes Who Fought For LGBT Rights in Bangladesh» (inglés). The Wire (25 d'ochobre de 2016). Consultáu'l 3 de payares de 2016.
- ↑ «Getting connected in Bangladesh» (inglés). Starobserver (9 de xunetu de 2008). Consultáu'l 3 de payares de 2016.
| Control d'autoridaes |
|
|---|
Datos: Q4952724