Batán de la Pisa de la Sertal

De Wikipedia
Saltar a navegación Saltar a la gueta
Batán de la Pisa de la Sertal
Bien d'Interés Cultural
Llocalización
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuBandera de Cabrales.svg Cabrales
Coordenaes 43°18′28″N 4°49′00″O / 43.3079°N 4.8168°O / 43.3079; -4.8168Coordenaes: 43°18′28″N 4°49′00″O / 43.3079°N 4.8168°O / 43.3079; -4.8168
Batán de la Pisa de la Sertal is located in Asturies
Batán de la Pisa de la Sertal
Batán de la Pisa de la Sertal
Batán de la Pisa de la Sertal (Asturies)
Patrimoniu
BIC RI-51-0005394
Cambiar los datos en Wikidata

El Batán de la Pisa de la Sertal asitiáu n'Arenas, conceyu asturianu de Cabrales, alcuéntrase nel quilómetru 1 na carretera d'Arenas de Cabrales en direición a Arangas. Accédese al batán per una sienda que cuerre paralela al Ríu Ribeles.

La Pisa de la Sertal, retien l'agua del ríu Ribeles per aciu d'un banzáu de piedra. Dende la presa un aguañal de lloxa conduz l'agua hasta la cámara de carga, que regula la so cayida per aciu d'una compuerta.

El batán ye una tosca máquina de madera, emplegada pa enfurtir pieces de llana. Componse d'una rueda hidráulica, qu'al xirar llevanta dos gruesos mazos que golpeen repetidamente les pieces de teles colocaes nuna artesa de madera.

L'edificiu qu'agospia la maquinaria ye de mampostería cubierta con teya bermeya. La solera tien dos niveles, una zona d'atención del batán y otra zona más baxa de descarga d'agua.

Adosaes al edificiu principal vense les ruines d'otra construcción.

Referencies[editar | editar la fonte]

El conteníu d'esti artículu amiesta material de la declaración del Bien d'Interés Cultural , que s'alcuentra nel dominiu públicu conforme a lo dispuestu nel artículu 13 de la Llei de Propiedá Inteleutual española.


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.