Bank of America Tower (Nueva York)

De Wikipedia
Saltar a navegación Saltar a la gueta
Bank of America Tower (Nueva York)
OBP - Ext - 42nd East.jpg
Situación
PaísBandera de Estaos Xuníos d'América Estaos Xuníos d'América
EstaosNueva York
MetrópoliFlag of New York.svg Nueva York
BoroughManhattan
Dirección Cai 42
Coordenaes 40°45′19″N 73°59′03″W / 40.755278°N 73.984167°W / 40.755278; -73.984167Coordenaes: 40°45′19″N 73°59′03″W / 40.755278°N 73.984167°W / 40.755278; -73.984167
Bank of America Tower (Nueva York) is located in los EE.XX.
Bank of America Tower (Nueva York)
Bank of America Tower (Nueva York)
Bank of America Tower (Nueva York) (los EE.XX.)
Historia y usu
Construcción2004 - 2009
Corazones
Dueñu Bank of America
Orixe del nome Bank of America
Arquiteutura
Arquiteutu Cookfox
Constructor Tishman Realty & Construction
Inxenieru d'estructures Severud Associates
Estilu deconstructivismo
Altor 365,8 m
Pisos 55
Soterraños 3
Superficie 195 095 m²
Ascensores 52
Cambiar los datos en Wikidata

Bank of America Tower ye un rascacielos de la ciudá estauxunidense de Nueva York. Asítiase na Sesta Avenida (Sixth Avenue), ente les cais 42 (42nd Street) y 43 (43rd Street), enfrente del parque Bryant, nel Midtown Manhattan. Tien un altor de 366 m, con 55 pisos que rematen con una aguya de 77,9 m d'altor que foi colocada nel so cumal el 15 d'avientu de 2007. El proyectu, que costó mil millones de dólar estauxunidense|dólares, foi diseñáu pol estudiu d'arquiteutura COOKFOX Architects, que presumía de que yera ún de los edificios más eficiente y ecolóxicamente sostenibles del mundu. Ye'l tercer edificiu mayor de la ciudá y el quintu del país, y la so construcción finó en 2009.

L'edificiu tien 55 plantes con un total de 195.096 m² d'espaciu pa oficines, servíes por un total de 52 ascensores, y ocupa'l solar qu'anguaño ocupaben, ente otros edificios, el del Hotel Diplomat, un edificiu de 13 pisos llevantáu en 1911 que foi baltáu pa construyir esti rascacielos, consideráu un modelu de rascacielos ecolóxicu. El so diseñu, con un esterior totalmente acristaláu que permite mantener el calor nel interior y aprovechar al másimu la lluz solar, tien tamién soluciones como l'aprovechamientu del agua de lluvia, la producción de xelu nes hores nel que'l consumu llétricu ye menor pa que lluéu, al desxelase, refresque l'aire del circuitu del aire acondicionáu, o los sanitarios con llimpieza ensin agua. Muncho del material emplegáu pa la so construcción ye recicláu o reciclable, y l'edificiu filtra l'aire non solo de la qu'entra pal edificiu, sino tamién de la que ye devueltu al esterior. La so estructura, d'hormigón con un amiestu d'escoria metalúrxica, ye tamién ecolóxicamente sostenible, una y bones l'usu de la escoria amenorga la cantidá de cementu (que la so producción espulsa al aire munchos gases d'efectu invernaderu) necesariu pa facer l'hormigón. L'edificiu, por últimu, tien una central de coxeneración llétrica dientro d'elli. Toes estes especificaciones foron feches aposta pa que l'edificiu fora'l primer rascacielos del mundu n'algamar la másima certificación (Platinum LEED Certification) mediuambiental qu'otorga'l Conseyu de la Construcción Ecolóxica de los Estaos Xuníos (U.S. Green Building Council). Pesie a ello, l'edificiu usa entá el doble d'enerxía por metru cuadráu que l'Empire State Building.

Enllaces esternos[editar | editar la fonte]