Banda de Gaita Mieres del Camín

De Wikipedia

La banda de gaita Mieres del Camin, ye una agrupación folclórica de la ciudá Asturiana de Mieres n'España.

La banda de gaites, al igual que la so escuela de música tradicional, foi fundada nel añu 1991 por José Ángel Hevia Velasco, foi'l so direutor hasta l'añu 2001. Nos sos primeros años la banda emplegó gaites asturianes en Do, tambores y bombu tradicional.

Anguaño, la banda ta dirixida por Borja Baragaño, y ta compuesta por 12 gaites asturianes en Si Bemol, 2 timbales tenores, 3 caxes d'alta tensión y un bombu. La seición de percusión ta dirixida por Pelayo G. García.

El so repertoriu ta compuestu principalmente por temes tradicionales asturianos, pero tamién por temes irlandeses, escoceses, gallegos y de composición propia. En 1996 la banda publica'l so primer discu ``El Trébole de San Xuan´´, nel que collaboren el grupu L´Artusu, la banda de música de Mieres y la Bandona de Asturies compuesta peles bandes de gaites de Villaviciosa, Candás y Ribesella.

Nel añu 2001 participó nel I Campeonatu de Bandes de Gaites Asturianes, quedando en sestu llugar.

Actuaciones[editar | editar la fonte]

A lo llargo de les sos 15 años d'historia, la banda de gaites Mieres del Camin percorrió innumberables escenarios nacionales ya internacionales, destacando actuaciones como la del Festival intercélticu de Lorient nos años 1991, 1995 y 1998 y el festival de danzar bretonne de Saint Loup en 1994, dambos eventos en Bretaña y les sos actuaciones n'Irlanda. Acompañó al popular gaiteru José Ángel Hevia a Estaos Xuníos y Xapón ente otros países. Dientro d'España actuó na fiesta de Moros y Cristianos de la ciudá d'Onteniente, en Valencia, nos años 1995, 2001 y 2007, y nos San Fermines de Pamplona.


Referencies[editar | editar la fonte]

Enllaces esternos[editar | editar la fonte]