Aspiradora

De Wikipedia
Saltar a: navegación, buscar
Aspiradora Lux.

Una aspiradora, o aspirador ye un preséu qu'usa una bomba d'aire p'aspirar el polvu y otres partícules pequeñes de suciedá, xeneralmente del suelu. La mayoría de llares con suelu llosáu tienen un modelu domésticu pa la llimpieza. El polvu recuéyese per aciu del sistema de peñerar un "ciclón"[1] pa una posterior disposición.

Caberamente tán apaeciendo aspiradores robotizaes, que llimpien ensin intervención humana'l suelu. Un exemplu d'elles ye Roomba y n'Asia Mamirobot. [[Archivo:Aspirador infrografía.jpg|thumb|300px|Esquema del viaxe del aire nuna aspiradora.]]

Hasta finales del sieglu XIX, los trapeadores y cepiyos p'alfombres yeren les úniques ferramientes coles que se cuntaba pa tratar de caltener llimpiu l'ambiente d'estos llugares.

Darréu creáronse dellos artefactos pa llimpiar alfombres, y en 1901 foi patentada la primer aspiradora. Escurrida pol inxenieru inglés Hubert Cecil Booth[2]. Puffing Billy yera una enorme máquina, con un motor eléctricu, qu'aspiraba'l polvu. Tamién creó una aspiradora que la llamó Trolleyvack que funcionaba con un motor más pequeñu. Dempués Booth instaló una empresa d'aséu. La so primer xera importante foi llimpiar l'alfombra de l'Abadía de Westminster; tamién hebo otru creador, James Murray Spangler (d'Ohio), que creó una aspiradora portátil que funcionaba con un ventilador eléctricu.

Variante pa la llimpieza de vehículos.

Sicasí, nun sería hasta 1908 (añu nel que Spangler vendió los derechos del so inventu a un pariente ya industrial del cueru, William H. Hoover) que se creara l'aspiradora de trinéu d'anguaño. Hoover diseñó'l modelu "O", que tenía ruedes, un mangu llargu y una bolsa pa contener el polvu. Magar que nun principiu'l mercáu yera pa fábriques, más tarde realizó una llinia d'aparatos domésticos, popularizándose'l so usu rápidamente per tolos Estaos Xuníos.

Anguaño ye un equipu indispensable pal caltenimientu y llimpieza tantu pal llar, como para oficina, gobiernu, universidaes y colexos. Los modelos utilizaos por personal de llimpieza son más robustos y munches vegaes nun utilicen bolsa pa retener el polvu, sinón que lo depositen nun contenedor pa depués balerar esti contenedor a la basura.

Referencies[editar | editar la fonte]

  1. http://www.aspiradoras.info/funcionamiento-de-la-aspiradora/
  2. http://www.commercialofficecleaning.com/biography-hubert-cecil-booth.html

Ver Tamién[editar | editar la fonte]

Enllaces esternos[editar | editar la fonte]