Asase Ya

De Wikipedia
Saltar a navegación Saltar a la gueta
Asase Ya
Información
Sexu femenín
[editar datos en Wikidata]

Asase Ya (tamién Asase Yaa o Asae Efua), esposa de Nyame, dios del Cielu y creador del Universu, ye la diosa de la tierra y de la fertilidá de los pueblos ashanti, de Ghana, y akan, de Ghana, esti de Costa de Marfil y sur de Togu.

Asase nun tien templos, pos la tierra ye'l so cuerpu y el so templu, de forma que nun hai representaciones antropomórficas de la diosa y ye adorada nos campos, onde favorez a los llabradores.

Asase tuvo dos fíos, Bea (o Bia) y Tano. Coles mesmes, ye la madre d'Anansi, el trickster o pícaru divín, y divina madrasca de los sagraos altos xefes de los ashanti.

Pa los akan, ye la defensora de la verdá. Cuando un miembru de la tribu akan tien que probar la so credibilidá, toca'l suelu colos llabios. Los akan tamién la llamen Aberewa (muyer vieya) y Madre Tierra, y solo al traviés d'ella y por aciu la danza y la llibación pueden tener accesu a los ancestros. La tradición diz que los xueves tán acutaos a Asase y esi día los akan abstener de llabrar la tierra.

El so símbolu ye'l planeta Xúpiter.

Referencies[editar | editar la fonte]

Asase Ya