Arcadia Olenska-Petryshyn

De Wikipedia
Saltar a navegación Saltar a la gueta
Arcadia Olenska-PetryshynPicto infobox character.png
Vida
Nacimientu Roznoshyntsi (en) Traducir19  de xunu de 1934
Nacionalidá Bandera de Ucraína Ucraína
Muerte

Nueva York6  de mayu de 1996

(61 años)
Estudios
Estudios Universidá de Chicago
Hunter College (es) Traducir
Oficiu crítica d'arte, pintoraescritora
Cambiar los datos en Wikidata

Arcadia Olenska-Petryshyn (19  de xunu de 1934Roznoshyntsi (en) Traducir – 6  de mayu de 1996Nueva York) foi una artista, pintora, escritora y crítica d'arte ucraína.[1]

Biografía[editar | editar la fonte]

Arcadia Olenska nació'l 19 de xunu de 1934 en Roznoshentsi, Ucraína. La so familia abandonó'l país en 1944 pa instalase n'Ausburgu, Alemaña. Anque años más tarde, en 1949, emigraríen a Nueva York, onde s'instalaríen definitivamente.

Olenska asistió al Institutu Washington Irvin (Washington Irving High School) en Nueva York y más llueu estudiaría na Universidá de Hunter College[2] na cual cursó los sos estudios de máster en 1953. En 1956, casa con Volodymyr (Walter) Petryshyn, un profesor de matemátiques na Universidá Rutgers. Olenska- Petryshyn foi una importante contribuyente na vida cultural de la comunidá ucraína en Nueva York. Foi una importante participante nel Grupu de Nueva York, una xeneración nueva d'escritores y artistes ucraínos que se formó a mediaos de los años 50. Coles mesmes, Olenska ayudó a la creación de l'Asociación de mozos artistes Ucraínos. Mientres años foi la editora d'arte en Suchasnist, una revista que socedía cuestiones lliteraries y culturales.

Obres y repercusión artística[editar | editar la fonte]

La vida profesional ya intelectual de l'artista caltúvose mientres tola so vida nel ambiente cultural de Nueva York. Na so obra, Olenska- Petryshyn escasamente trató temes rellacionaes cola cultura ucraína. Asina nos sos ensayos trató temes que conformaben el so arte, temes que van dende'l significáu de la forma y la naturaleza non oxetiva del arte al papel que desempeña l'espectador na so visión d'ésti. Coles mesmes, Olenska escribió estensamente sobre l'arte ucraín. Nos sos ensayos conforma un ampliu surtíu de temes que van dende l'arte non oxetivu o arte suxetivu (movimientu artísticu del s.XX) de Kasimir Malevich, les innovaciones culturales d'Alexander Archipenko o inclusive reseñes sobre artistes ucraínos de la diáspora.

Arcadia Olenska-Petryshyn tuvo una activa carrera na esfera artística internacional, mesmo en Nueva York que n'otros llugares. Espunxo n'infinidá de llugares y la so obra llogró gran ésitu ente la crítica, amás de formar parte d'importantes coleiciones públiques y privaes.

Últimos años y muerte[editar | editar la fonte]

Los sos últimos años tuvieron centraos n'Ucraína. Arreyóse viviegamente na vida artística y cultural del país, esponiendo y dando charres en dellos centros culturales. Esta dómina qu'empezó siendo un periodu de promeses anovaes y entusiasmu, tráxicamente acabó con un sópitu final el 6 de mayu de 1996, cuando Arcadia Olenska-Petryshyn foi asesinada pol so home tres un fuerte discutiniu.[3]

Referencies[editar | editar la fonte]

  1. «Arcadia Olenska-Petryshyn Biography. Annex Galleries Fine Prints» (inglés). Consultáu'l 2017-03-04.
  2. «Hunter College» (inglés). Consultáu'l 2017-03-04.
  3. «Artist Arcadia Olenska-Petryshyn found dead; husband is charged (05/12/96)». Consultáu'l 2017-03-04.