Apologie de la secte Anandryne

De Wikipedia
Saltar a navegación Saltar a la gueta
Apologie de la secte Anandryne
Datos
Fecha 1784
Xéneru Pornografía
País orixinal Bandera de Francia Francia
Cambiar los datos en Wikidata

Apologie de la secte Anandryne, ou Exhortation d'une jeune tribade («Apoloxía de la secta anandrina, o exhortación d'una moza tríbade») ye'l títulu d'un llibru pornográficu francés qu'apaeció per primer vegada en 1784.

El testu preséntase como una reproducción d'una alocución de l'actriz Françoise Raucourt de 1778, na que s'espliquen los estatutos y ritos de la secta lésbicoerótica y secreta de les «anandrinas» (del griegu «ensin homes») tríbades. La voz que rellata diríxese sobremanera a muyeres d'altu trubiecu, sobremanera a círculos aristocráticos, a les qu'anima a afayar los placeres del amor homosexual.

La Apologie apaeció per primer vegada en 1784 nel décimu númberu de la revista pornográfica L'Espion anglais publicada en Londres y foi reeditada sobremanera nos añu posteriores a la Revolución Francesa, asina en 1793 como Anandria, ou Confession de Mlle Sappho, élève de la Gourdan, sur sa réception dans la secte anandryne («Anandria, o confesión de Mademoiselle Sappho, alumna de la Gourdan, sobre la so recepción na secta anandrina») y en 1793 col títulu La Nouvelle Sappho, ou Histoire de la secte anandryne («La nueva Safu, o hestoria de la secta anandrina»), pola imprenta de P.-F. Didot, en París. El Enfer de la Biblioteca Nacional de Francia caltien a lo menos dos copies de la Apologie na que robla como editor Mathieu-François Pidansat de Mairobert.[1]

El personaxe ficticiu de la Apologie ye confundíu con frecuencia y de cutiu afírmase la esistencia real d'una tal secta secreta, como por casu na biografía de Françoise Raucourt, La Raucourt et ses amies (1909), de Jean de Reuilly.

Referencies[editar | editar la fonte]

  1. A Checklist of Additions to the Enfer erotica collection of the Bibliothèque Nationale, sigles 2011 y 2505.

Enllaz[editar | editar la fonte]

  • Mademoiselle Sappho - testu de la edición de 1789 traducida al alemán por Conrad Heinrich (1907)




Apologie de la secte Anandryne