Antonio Balvidares Argüelles

Antonio Balvidares Argüelles
Vida
Nacimientu	Santiago, 1751
Nacionalidá	España
Muerte	Nava, 1792 (40/41 años)
Estudios
Llingües falaes	castellanu; asturianu
Oficiu
Oficiu	escritor

Antonio Balvidares (o Valvidares) Argüelles, tamién conocíu como Antón Balvidares o cenciellamente Balvidares (Santiago (Sariegu), 1 d'ochobre de 1751 - Cecea (Nava), 10 de xunu de 1792) foi un escritor asturianu de la Ilustración, que llegó a ser ún de los mayores representates de la poesía asturiana d'esta dómina.

Biografía

Nació na casona de San Román, Sariegu, fíu de Francisco Ventura Valvidares y Nava y Joaquina Argüelles de Rúa, dambos miembros de la nobleza y la clas aristocrática. Ganó fama dende mozu por ser amigu de chancies y folgancia y por tener bon arte p'atalantar versos.

Tres completar l'enseñu básicu, mudáse pa Uvieo, u entama una Carrera de Llatinidá y Filosofía, qu'abandona poco depués pa tornar a la so aldea, onde se dedicó a llevar les propiedaes de la familia y a cultivar la poesía n'asturianu. Les sos obres espárdense ente la clas pudiente asturiana en forma de manuscritos. Munches apaecen atropaes na revista La Ilustración Cantábrica pero les más d'elles caltiénense gracies a l'Antoloxía de Xosé Caveda y Nava, espublizada en 1839.

El 24 de payares de 1773 contrái matrimoniu con Teresa de Caso y Nava. Retírase nos sos últimos años al pueblu de Cecea (Nava), u muerre'l 10 de xunu de 1792. Por mandáu suyu, los sos restos mortales foron tresportaos al conventu de San Francisco, n'Uvieo.

Obres

L'Entierru del Callóndrigu Reguero (Proyectu Caveda y Nava)
Les Esequies de Carlos III n'Uviedo (Proyectu Caveda y Nava, autoría disputada con Xosefa Xovellanos)
Diálogu Políticu (Proyectu Caveda y Nava)
El misteriu de la Trinidá: Vida, pasión y muerte de Xesucristo (Proyectu Caveda y Nava)
Diálogu de dos casinos
El Viaje a Salamanca
El Santo Sacramento

Referencies

Antonio Balvidares Argüelles, n'asturies.com
Balvidares Argüelles, Antonio, en biografiasasturias.es
Antón García, “Antón Balvidares Argüelles”, en: Lliteratura asturiana nel tiempu

1 2 3 URL de la referencia: http://blog.educastur.es/selmanadeleslletres/files/2012/04/by-b.pdf. Data de consulta: 30 ochobre 2020. Direición web d'archivu: https://web.archive.org/web/20201105033732/http://blog.educastur.es/selmanadeleslletres/files/2012/04/by-b.pdf. Data d'archivu: 5 payares 2020.

[e85d3c9419ba87e82dfaaf415809df8fb99de9ec-1] 1 2 3 URL de la referencia: http://blog.educastur.es/selmanadeleslletres/files/2012/04/by-b.pdf. Data de consulta: 30 ochobre 2020. Direición web d'archivu: https://web.archive.org/web/20201105033732/http://blog.educastur.es/selmanadeleslletres/files/2012/04/by-b.pdf. Data d'archivu: 5 payares 2020.

[1]