André Ventura

De Wikipedia
André Ventura
Diputáu na Asamblea de la República

25 ochobre 2019 - 28 marzu 2022
Distritu: Lisboa
Eleiciones: eleiciones llexislatives de Portugal de 2019
Vida
Nacimientu Algueirão-Mem Martins[1], 15 de xineru de 1983[2] (41 años)
Nacionalidá Bandera de Portugal Portugal
Llingua materna portugués
Estudios
Estudios Universidá Nueva de Lisboa
Llingües falaes portugués
Oficiu políticu
Emplegadores Universidá Nueva de Lisboa
Creencies
Partíu políticu CHEGA (dende 2018)
Partíu Socialdemócrata (hasta 2018)
Cambiar los datos en Wikidata

André Claro Amaral Ventura (15 de xineru de 1983, Algueirão-Mem Martins) ye un comentador deportivu, políticu y profesor universitariu portugués.

Biografía[editar | editar la fonte]

André Ventura llicencióse en Drechu na Facultá de Drechu de la Universidá Nova de Lisboa. Defendió en 2013 la tesis de doctoramientu en Drechu públicu na Facultá de Drechu de la Universidá de Cork, n'Irlanda, financiada pola Fundación pa la Ciencia y Teunoloxía, na cual criticó'l “populismu penal” y la “estigmatización de minories”, amosando preocupación pola “espansión de los poderes policiales”.[3][4]

Anguaño enseña na Universidá Nova de Lisboa y na Universidá Autónoma de Lisboa.[5] ye comentador criminal y deportivu na canal de televisión portugués CMTV.

En xunu de 2015, afirmó que probablemente sería candidatu del PSD a la Cámara Municipal de Sintra, cosa que nun pasó.[6]

En 2016 creó, xunto col antiguu ministru del interior, Rui Pereira, y l'antiguu futbolista António Simões, un movimientu de sofitu a la recandidatura de Luís Filipe Vieira al lideralgu del Sport Lisboa e Benfica.[7]

En xunu de 2016, en consecuencia del atentáu en Nice, André Ventura pidió en Facebook defender “la reducción drástica de la presencia islámica na Xunión Europea”[8]

N'abril de 2017, foi escoyíu pol PSD pa liderar la candidatura a la Cámara Municipal de Loures nes eleiciones municipales, compitiendo col candidatu del PCP, Bernardino Soares.[6]

N'agostu de 2017, mientres la campaña pa les eleiciones municipales, afirmó que refugaría'l sofitu de la ultradrecha.[9] Nun discursu de la mesma campaña, André Ventura fizo delles afirmaciones polémiques sobre la comunidá xitana del conceyu de Loures,[10] en consecuencia, foi acusáu por José Pinto Coelho de robar el discursu al Partíu Nacional Renovador. [11] Foi denunciáu pol candidatu del Bloco de Esquerda en Lourdes, Fabian Figueiredo, poles sos declaraciones sobre'l pueblu xitanu. [12]

N'abril de 2019, fundó'l partíu políticu CHEGA!, y, el 12 d'abril de 2019, xunióse a la Coalición Basta! pa les Eleiciones al Parllamentu Européu de 2019. Al nun llograr representación, la colición foi desaniciada'l 30 de xunu de 2019.[13]

Participó nes Eleiciones Llexislatives de Portugal de 2019 con CHEGA!, como cabezaleru na circunscripción de Lisboa, llogrando ser el primer diputáu del partíu. Tien posiciones lliberales economicamente, nacionalistes culturalmente y conservadores en cuestiones de costumes.[14]

Obres[editar | editar la fonte]

  • Introdução à Fiscalidade, e-book, Lisboa (2017)
  • Justiça, Corrupção e Jornalismo (co-autoría con Miguel Fernandes), Vida Económica (2015)
  • A Nova Justiça Internacional, Chiado Editora, Lisboa (2015)
  • A Nova Administração Pública (inclúi la nueva Llei Xeneral del Trabayu en Funciones Públiques anotada), Quid Juris, Lisboa (2014)
  • A Reforma do IRC (con António Carlos dos Santos), Vida Económica, Lisboa (2014)
  • Lições de Direito Fiscal, Chiado Editora, Lisboa (2014)
  • Lições de Direito Penal, Volume I, UAL / Instituto de Direito Publico / Chiado Editora (2013), Montenegro, com 2ª ed. revista, pela Chiado Editora, Lisboa (2008)
  • A Última Madrugada do Islão, Chiado Editora, Lisboa (2009)

Referencies[editar | editar la fonte]

  1. ↑ URL de la referencia: https://sol.sapo.pt/especiais/andre-ventura-sou-contra-o-aborto-mas-nunca-condenaria-uma-mulher-que-aborta/.
  2. ↑ URL de la referencia: https://www.parlamento.pt/DeputadoGP/Paginas/Biografia.aspx?BID=6535.
  3. ↑ . PÚBLICO.
  4. ↑ .
  5. ↑ Isabel Tavares e Rodrigo Mendes. .
  6. ↑ 6,0 6,1 . Semanario SOL.
  7. ↑ . PÚBLICO.
  8. ↑ . PÚBLICO.
  9. ↑ . O Jornal Económico.
  10. ↑ . O Jornal Económico.
  11. ↑ . www.sabado.pt.
  12. ↑ . www.dn.pt.
  13. ↑ . TSF Rádio Notícias.
  14. ↑ [1]

Enllaces esternos[editar | editar la fonte]

Sacáu de «https://ast.wikipedia.org/w/index.php?title=André_Ventura&oldid=3987869»