Alrisha

De Wikipedia
Saltar a navegación Saltar a la gueta
Alrisha
Alrisha A/B
Constelación Piscis
Ascensión reuta α 02h 02m 02,81s
declinación δ +02º 45’ 49,5’’
Distancia 139 años lluz
Magnitú visual +3,81 (conxunta)
Magnitú absoluta +0,66 (conxunta)
Lluminosidá 31 / 12 soles
Temperatura 9500 / 8600 K
Masa 2,3 / 1,8 soles
Tipu espectral A0p / A3m
Velocidá radial +7,5 km/s

Alrisha o Alrischa (α Psc / α Piscium / 113 Piscium) ye una estrella binaria asitiada na constelación de Piscis. El so nome provién del árabe y significa "cuerda". Alcuéntrase a 139 años lluz del Sistema Solar.

Les componentes del sistema son dos estrelles blanques de la secuencia principal anguaño separaes 1,8 segundos d'arcu. La estrella principal, Alrisha A (HD 12447), tien magnitú aparente +4,33 y ye de tipu espectral A0; la so compañera, Alrisha B (HD 12446), de magnitú +5,23, pertenez a la clase espectral A3m. La primera tien una temperatura de 9500 K y ye 31 vegaes más lluminosa que'l Sol. La segunda ye 900 K más fría que la so compañera y ye 12 vegaes más lluminosa que'l Sol. Les sos mases respeutives son 2,3 y 1,8 vegaes mayores que la masa solar. Nenguna de les dos estrelles xira apriesa y como resultáu d'ello son estrelles químicamente peculiares. Alrisha A ye una estrella Ap con un campu magnéticu unes 1000 vegaes mayor qu'el campu magnéticu terrestre; Alrisha B, pela so parte, ye una estrella con llinies metáliques o estrella Am.

El periodu orbital del sistema ye cimeru a los 700 años. La distancia media ente les dos estrelles ye de 120 UA, pero la escentricidá de la órbita fai que la separación ente elles varie ente 50 y 190 UA; el máximu acercamientu va producise alredor del añu 2060. De la mesma, una o les dos estrelles pueden ser binaries espectroscópicas.

Referencies[editar | editar la fonte]

Coordenaes: Sky map 2h 2m 2.82s, 2° 45 49.541