Alkurhah

De Wikipedia
Saltar a navegación Saltar a la gueta
Alkurhah
Alkurhah A/Aa/B
Constelación Cepheus
Ascensión reuta α 22h 03min 47,16s
Declinación δ +64º 37’ 39,9’’
Distancia 102 años lluz
Magnitú visual +4,26 (conxunta)
Magnitú absoluta +1,79 (conxunta)
Lluminosidá 9,5 / 2,6 / ? soles
Temperatura 7200 / ? / ? K
Masa 1,7 / 1,2 / 1,2 soles
Radiu 2 / 1,4 / ? soles
Tipu espectral A3m / F7 / F7
Velocidá radial -7,2 km/s

Alkurhah —tamién escritu Alkurah o Kurhah— ye'l nome de la estrella Xi Cephei (ξ Cep / 17 Cephei) de magnitú aparente +4,26. El significáu del so nome, d'orixe árabe, ye dudosu pero xeneralmente considérase como "el llurdiu blancu na cara del caballu", nome que nun ta rellacionáu cola constelación actual sinón más probablemente cola tradición árabe.

A una distancia de 102 años lluz del Sistema Solar, al traviés del telescopiu Alkurhah apaez como una estrella doble colos dos componentes, Akurhah A y Alkurhah B, separaes 8 segundos d'arcu. Alkurhah A (HD 209790 / HR 8417)[1] ye una estrella de la secuencia principal catalogada de tipu espectral A3m, la m indicando que ye una estrella con llinies metáliques o estrella Am. Les atmósferes d'estes estrelles tán arriquecíes en metales como cobre, cinc y elementos lantánidos como europiu, pero son deficientes en calciu y escandiu.[2]

Alkurhah A ye, de la mesma, una binaria espectroscópica con un periodu orbital de 810,9 díes. La estrella principal d'esti par ye 9,5 vegaes más lluminosa qu'el Sol. Con una masa de 1,7 mases solares, tien una edá averada de 1000 millones d'años. La otra estrella, denomada Alkurhah Aa, ye de tipu F7, siendo'l so lluminosidá 2,6 vegaes superior a la del Sol y la so masa un 20% mayor que la masa solar.[2]

Pela so parte, Alkurhah B (HD 209791 / SAO 19826)[3] completa una vuelta alredor del par interior cada 3800 años —dato namái averáu al reparase una parte bien pequeña de la órbita— a una distancia media de 359 UA, anque la escentricidá orbital fai qu'ésta varie ente 273 UA y 445 UA. Ye una estrella cuasi idéntica a Alkurhah Aa.[2]

Referencies[editar | editar la fonte]