Alderique:Juba
El nome de la capital de Sudán del Sur[editar la fonte]
Cuando se publicó'l cartafueyu de países, esti país entá nun yera independiente y lóxicamente nun apaez nél, polo que nun tenemos neguna referencia (que yo sepa) sobre cómo pue ser n'asturianu'l nome de la capital d'esti últimu país n'apaecer con reconocencia internacional. Esta forma con y griega suéname a tener copiao l'adaptación fecha en castellanu(de fechu, nel artículu tán referenciaes fontes pa esta llingua pero non pal asturianu). Si miramos pa les adaptaciones que se ficieron nel mentáu cartafueyu, la forma esperable n'asturianu sedría *Xuba (compárese con Xamena, Xibuti, Oranxestad y etc...); pero pola razón dicha al principiu, al nun tener nenguna fonte que xustifique esta posible forma con xe, considero que la forma única qu'habíemos usar ye la orixinal con jota (en traslliteración dende l'árabe y el nome n'inglés), esto ye, Juba.--Limotecariu (alderique) 12:47 14 pay 2021 (UTC)
- La política ye que si nun hai referencies, dexamos el nome orixinal, y n'esti casu ye Juba. Ya me pongo yo con ello. Saludos. --Omarete (mensaxes) 18:35 16 pay 2021 (UTC)