Alderique:Concord
Hola. Dempués de facer un entamu pa esta páxina decateme de que hai otra nomada Concord, New Hampshire. Dalguién que sepa podía, si me fai el favor, redirixir una a la otra y esborrar la que sobre.
Otramiente, nun sé si hai dalguna norma pa denomar les páxines de les ciudaes estaunidenses. Nun sé si hai el vezu de poner el nome simple o siempre acompañáu col del estáu. Notres wikipedies faise d'esta cabera manera, pero na nuesa nun hai una norma única y delles veces, por andar despistáu, faigo daqué que yá ta fecho con otru nome. ¿Hai dalguna norma? Y si nun la hai, ¿qué vos paez meyor? ¿Concord, o Concord, New Hampshire? Yo cuento que yera meyor, una y bones hai varies ciudaes col mesmu nome, esta segunda manera, pero he facer lo que-y parezca meyor a los alministradores.
Gracies. Un saludu. --Cardoso (alderique) 22:08, 16 abril 2013 (UTC)
P.D. Si pensamos que ye meyor la opción completa había que redirixir les que tán feches a les formes correctes... nun doi más que trabayu...
- A mi paezme que la categoría Ciudaes d'Estaos Xuníos ta bien como ta. Les ciudaes tienen solo'l nome propiu porque nun hai peligru d'ambiguación, pero nes ciudaes como por exemplu Toledo (Iowa) que sí pueden entrar en conflictu con otru artículu, tienen puestu l'Estáu. L'únicu problema ye qu'hai que mirar bien enantes d'entamar un artículu por si yá ta fechu. Otra cosa sería que tu quixeres escribir milenta artículos de ciudaes d'esi país u como tu dices, hai varies ciudaes col mesmu nome. --Bar (alderique) 07:20, 17 abril 2013 (UTC)
- Hola otra vuelta. Yo nun teo problema cola categoría; veo-y namái falta d'homoxeneidá. Delles ciudaes, grandes o pequeñes, van ensin referencia al estáu, otres lleven la referencia separtada por una coma, como se fai n'inglés, y otres lleven l'estáu ente paréntesis. Annapolis nun ye la capital del mundiu y tien artículu escritu asina, a seques. Boston, que ye abondo mayor, apaez como Boston (Massachussets), y Concord apaez como Concord, New Hampshire. El problema ye, amás de repetir l'artículu (tienes razón que hai que miralu perbién primero), que lluéu los enllaces nun cuadren y los artículos nun referencien unos a otros. Entres na páxina d'un estáu, y como'l nome de la capital nun coincide nel so formatu col del artículu de la ciudá nun enllacien, y ye por eso polo que yo entrugaba si había dalguna norma, porque como dacuando fago dalgún artículu (o polo menos entamu) d'eses ciudaes podía dir iguando a lo que hubiera como norma los erros qu'atopara. Pero si tien de ser así por mí ta bien: voi intentando corrixir les coses que vea que nun cuadren y arreglao.