Ahora Castilla
La plataforma Ahora Castilla (Agora Castiella n'asturianu) foi una iniciativa d'un conxuntu de partíos y asociaciones españoles d'ideoloxía castellanista (Tierra Comunera-Partido Nacionalista Castellano (anguaño Partido Castellano), Izquierda Castellana, Tierra Castellana y Sopa Castellana) que se fundó redolada a un manifiestu conocíu como'l Manifiestu de Alcalá presentáu'l 28 de xineru de 2006 en Alcalá de Henares. Con ello, pretendía crease una plataforma político y cultural fuerte qu'arrexuntara al castellanismu. Los principales oxetivos, qu'esta plataforma castellanista tenía según lo que pon nel manifiestu, yeren:
- Articular iniciatives que se emponer a la construcción d'un proyeutu común castellán pa les Comunidaes Autónomes, que según el castellanismu son castellanes; ye dicir como fin últimu la consecución de la unidá de Castiella.
- Reactivar el proyeutu de Conseyu de Comunidaes Castellanes, que los presidentes autónomicos d'entós de la Comunidá de Madrid: Alberto Ruiz-Gallardón, la Xunta de Castiella y Lleón: Juan José Lucas, y la Xunta de Comunidaes de Castiella-La Mancha: José Bono roblaron nel añu 2000. Conseyu que tenía como oxetivu aumentar la collaboración económica y política ente estes Comunidaes Autónomes, y que nunca llegó a materializase. La idea de la plataforma yera sumar a Cantabria y a La Rioxa a la plataforma y convertir a esti conseyu nuna especie d'órganu que sirviera como puntu de partida pa la unificación de les Comunidaes Autónomes castellanes nun solu territoriu.
- La recuperación de les antigües delimitaciones históriques de los territorios como les contornes y la superación de la división provincial actual p'avanzar escontra la unidá de Castiella.
- La recuperación, l'espardimientu y la potenciación d'una identidá castellana y una conciencia nacional castellana nes sociedaes de la Comunidaes Autonómes Castellanes
- La recuperación, la proteición y la potenciación de la cultura y el folclor castellanos; la proteición del patrimoniu artísticu-cultural y el mediu ambiente
- L'espardimientu de la ideoloxía y la conciencia castellanista en Madrid.
- El construyir iniciatives qu'avancen escontra una España federal, na que Castiella seya un territoriu xuníu y tenga el so pesu.
- La creación d'un bloque castellanista fuerte que se coordine pa consiguir estos oxetivos, respetando la pluralidá ya independencia de los componentes.
La idea de la plataforma yera apigurar al castellanismu p'avanzar a los sos oxetivos básicos, que son los que s'esponen nel manifiestu y son la base de la ideoloxía castellanista. La plataforma pretendía ser una especie de trampolín pa una coalición política pa les eleiciónes autonómiques del añu 2007. Na actualidá, nada queda n'activu de la plataforma Ahora Castilla.