Palaciu de la Ferrería
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Palaciu de la Ferrería | |
|---|---|
| Bien d'Interés Cultural | |
| palaciu y monumentu | |
_03.jpg) | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | Nava |
| Coordenaes | 43°20′36″N 5°29′32″W / 43.343222°N 5.492306°O |
  Palaciu de la Ferrería Palaciu de la Ferrería (Asturies) | |
| Patrimoniu | |
| BIC | RI-51-0007348[1] |
 | |
El Palaciu de la Ferrería ye una construcción rural d'estilu renacentista-barrocu fundada nel sieglu XIV pola familia de los Álvarez de Asturias. Afáyase nes cercaníes de Ḥuentesanta nel conceyu asturianu de Nava.
L'orixe ye'l torruxón baxumedieval de planta cuadrada que sobresal n'altor al restu de les edificaciones que fueron amestando a lo llargo de los sieglos XVI y XVII.
L'edificiu tien delles fachaes. La occidental amuesa una irregularidá na distribución d'espacios típica del sieglu XVI: saeteres, ventanes y balcón con gran escudu. L'escudu amuesa les armes de los Álvarez de Asturias: xaqueláu de quince pieces d'oru y veros. Bordura cargada con ocho lleones ordenaos (desconócense esmaltes). So'l tou corona ducal.
La puerta d'accesu ye de mediu puntu doveláu.
La fachada Este del palaciu dixebra en dos fasteres: una diáfana, con arqueríes nel pisu inferior, y una compauta, con tres ventanes.
En llinia cola fachada occidental alcuéntrase la capiella, de nave única y arcu de triunfu de mediu puntu, que separta la cabecera de la nave. La fastera de la cabecera ta cubierta con una bóveda.
El 11 de xunu de 1982 foi declaráu Monumentu Histórico Artísticu y en 1993 Bien d'Interés Cultural.
Capiella
[editar | editar la fonte]Amestada'l palaciu, alcuéntrase nel llateral izquierdu la capiella del mesmu de planta rectangular.
Bibliografía
[editar | editar la fonte]- El conteníu d'esti artículu amiesta material de la declaración del Bien d'Interés Cultural publicáu nel BOPA Nº 15 el 20 de xineru de 1993 (testu), que s'alcuentra nel dominiu públicu arriendes a lo dimpuestu nel artículu 13 de la Llei de Propiedá Inteleutual española (castellán).
Referencies
[editar | editar la fonte]- ↑ «base de datos de monumentos de Wiki Loves Monuments» (13 payares 2017).
Enllaces esternos
[editar | editar la fonte]
Datos: Q6058306