Estáu policial
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Un estáu policial ye un Estáu onde'l gobiernu caltién un estrictu control sobre la sociedá, particularmente al traviés de la supresión de les llibertaes civiles y de cutiu por aciu una fuercia de policía secreta y un gran esplegue ya inversión en mecanismos de vixilancia. Esto implica que'l control pol gobiernu contradiz la voluntá de los individuos que tán siendo controlaos. Asina, un Estáu policial ye inherentemente antidemocráticu y ye similar a la llei marcial.
Lliteratura
[editar | editar la fonte]Na lliteratura, el meyor exemplu d'Estáu policial ye'l que se plantega na novela de George Orwell 1984, que describe un réxime totalitariu qu'utiliza la escusa de guerra constante pa dexar que la policía y les cámares de seguridá controlen a tola población.
Otru exemplu d'estáu policial ye'l presentáu na novela gráfica V for Vendetta, escrita por Alan Moore, claramente influyida pola obra de Orwell. Ellí preséntase un gobiernu británicu que controla a la población por aciu una estricta vixilancia utilizando práuticamente los mesmos métodos qu'en 1984. En V for Vendetta trátense elementos fundamentales como la constitución de l'autoridá, la eliminación de les oposiciones y diferencies y la manipulación mediática.
Considerancies
[editar | editar la fonte]Similar a la perspeutiva de Orwell, los llibertarios asumen qu'un Estáu policial ye consecuencia natural del control que tou Estáu, yá seya lliberal, nacional o socialista, exerz sobre la población allugada nel territoriu sobre'l que tien xurisdicción, y que la diferencia anicia namái nel grau d'invasión a les llibertaes, onde amás esto ye malo de definir, yá que tolos Estaos xixilen secretamente a tola so población -o públicamente pero sol convencimiento y aprobación civil de que tán siendo protexíos pol so propiu bien- na midida de los sos recursos o de los intereses que protexen. Y precisamente debíu al fechu de que ye secretu o maquilláu, nun se conocen dafechu la magnitú del fechu nin les intenciones reales detrás de too l'aparatu de vixilancia.
Ver tamién
[editar | editar la fonte]Referencies
[editar | editar la fonte]Enllaces esternos
[editar | editar la fonte]- Como los Estaos-Xuníos son Estáu policial (n'inglés)
| Control d'autoridaes |
|
|---|
Datos: Q217405