Cubillos del Sil
 Cubillos del Sil | |||
|---|---|---|---|
 | |||
| |||
| Alministración | |||
| País |  España | ||
| Autonomía |  Castiella y Lleón | ||
| Provincia |  provincia de Lleón | ||
| Tipu d'entidá | conceyu d'España | ||
Alcalde de Cubillos del Sil (es)  |
Antonio Cuellas García (en) | ||
| Nome oficial | Cubillos del Sil (es)[1] | ||
| Códigu postal |
24492 | ||
| Xeografía | |||
| Coordenaes | 42°37′25″N 6°33′49″W / 42.623611111111°N 6.5636111111111°O | ||
  Cubillos del Sil Cubillos del Sil (España) | |||
| Superficie | 53.41 km² | ||
| Altitú | 578 m[2] | ||
| Llenda con | Ponferrada, Cabañas Raras, Sancedo, Vega de Espinareda, Berlanga del Bierzo, Torenu y Congostu | ||
| Demografía | |||
| Población |
1741 hab. (2023) - 952 homes (2019) - 864 muyeres (2019) | ||
| Porcentaxe | 0% de provincia de Lleón | ||
| Densidá | 32,6 hab/km² | ||
| Más información | |||
| Prefixu telefónicu |
987 | ||
| Estaya horaria | UTC+01:00 | ||
| aytocubillosdelsil.com | |||
 | |||
Cubillos del Sil ye un conceyu y una villa na Comarca d'El Bierzu, provincia de Llión. Ye ún de los conceyos llioneses onde se caltién la llingua llionesa.[3]
Historia
.jpg)
Dómina ástur
Les primeres muertes de poblamientu humanu nel actual conceyu de Cubiellos del Sil se daten en dómina prerromana, na cual féchense los castros ástures de Frisnéu, Finolléu y Pousadina. Nel casu del castru de Frisnéu, asitióse nun monte allugáu al norte de la llocalidá de Frisnéu, calteniéndose restos defensivos de les muralles y el foso. Respectu al de Finolléu, allúgase a 1 quilómetru al norte del pueblu de Finolléu, sobre un monte, siendo la so planta redonda. En cuanto al castru de Pousadina o Castromocho, asítiase al norte de Pousadina, nun montículo pizarrosu, teniendo planta allargada, de la que se caltienen restos de los sos murios, lo mesmo que de los fosos que tenía.[4]
Dómina Romana
Yá en dómina romana, la presencia humana nel conceyu atestíguase tantu pola romanización del castru de Finolléu, como pola esistencia de la calzada romana conocida como Vía Nova, que travesaba'l conceyu,[5][6] siendo construyida nel sieglu I dempués de Cristu, y que xunía Brácara Augusta (Braga, Portugal) y Astúrica Augusta (Astorga).[7]
Edá Media
Tocantes a la fundación de les llocalidaes que conformen l'actual conceyu de Cubillos, esta se dataría na Alta Edá Media, integrándose'l territoriu municipal nel Reinu de Llión dende la creación d'esti nel añu 910.[8]
Yá na Baxa Edá Media, una crisis del monesteriu de Villabuena nel sieglu XIV, favoreció qu'en 1370 a Gonzalo Berciano de Cubillos se-y otorgaren n'encomienda los llugares de Cubillos, Villabuena o San Xusto, lo que constituyó l'orixe del Señoríu de Cubillos, que nel sieglu XV taba en manos de Aldonza Rodríguez.[9]
Nesti mesmu sieglu, col amenorgamientu de ciudaes con votu en Cortes a partir de les Cortes de 1425, Cubillos y el restu de llocalidaes del conceyu pasaron a tar representaes per Llión nes Cortes de la Corona, lo que-yos fizo formar parte de la provincia de Llión na Edá Moderna, asitiándose dientro d'esta nel partíu de Ponferrada.[10]
Edá Moderna
Yá na Edá Moderna, por cuenta de la adscripción territorial al reinu llionés del territoriu de Cubillos dende l'Alta Edá Media, mientres tola Edá Moderna les llocalidaes del conceyu formaron parte de la xurisdicción del «Adelantamientu del reinu de Llión».[11]
Nesta dómina, el Señoríu de Cubillos integraba los pueblos de Cabanas de la Dornilla, Pousadina y Cubillos, teniendo'l so dominiu nel sieglu XVIII Luis Losada Quiroga, quien yera tamién titular de los señoríos nobiliarios de Tombrio de riba y Villamartín del Sil. En cuanto al gobiernu de los pueblos que formaben parte del señoríu, atopábense gobernaos por conceyos, que los sos miembros yeren escoyíos polos vecinos el día d'Añu Nuevu, recayendo la xusticia nos xueces pedáneos, que yeren nomaos por Luis Losada Quiroga como Señor de Cubillos, o nel so defectu a propuesta de los miembros del conceyu. Nesti casu los xueces pedáneos solo teníen potestá pa impartir xusticia sobre causes menores, tando suxetos el restu de procesos a la xusticia ordinaria.[7]
Edá Contemporánea
Darréu, na Edá Contemporánea, en 1821 Cubiellos del Sil y el restu de llocalidaes del actual conceyu pasaron a formar parte de la provincia de Villafranca,[12] magar al perder esta'l so status provincial al rematar el Trieniu Lliberal, na división de 1833 quedaron adscrites a la provincia de Llión, dientro de la Rexón Lleonesa.[13]
Finalmente, el conceyu de Cubiellos del Sil quedó configuráu cola so actual estensión en 1988, cuando integró nel so senu l'hasta entós conceyu de Frisnéu, del cual dependíen de la mesma les poblaciones de Finolléu y Tombrio de riba, que quedaron adscrites a los conceyos de Cubillos (nel casu de Frisnéu y Finolléu) y Toreno (nel casu de Tombrio).[14]
Alministración llocal
El plenu de la casa conceyu ta formáu pol alcalde y 8 conceyales más.
- Llista d'alcaldes
| Periodu | Alcalde | Partíu | Otros cargos |
| -1999 | Blas Ramón Andrés | PP | |
| 1999-2015 | José Luis Ramón Corral | PSOE | Presidente del Conseyu Comarcal d'El Bierzu (2007-2011) |
| 2015- | Antonio Cuellas | PSOE |
Demografía
Según el nomenclátor de 2017, los habitantes del conceyu se distribuyíen nes entidades de población de:
| Entidá | Categoría histórica | Población empadronada (2017) |
Altitú (m) |
Distancia a la capital (km) |
|---|---|---|---|---|
| Cabañas de la Dornilla | llugar | 226 | 590 | 1,50 |
| Cubillos del Sil | villa | 1316 | 580 | 120,00 |
| Finolledo | llugar | 69 | 710 | 4,00 |
| Fresnedo | villa | 212 | 740 | 5,50 |
| Cubillinos | llugar | 10 | 630 | 1,70 |
| Posadina | llugar | 26 | 610 | 0,60 |
Los llugares de Cubillines y Pousadina formen la entidá coleutiva de población, cola categoría histórica de pedanía, de Cubillines-Pousadina.
Folixes
- 10 de xunetu — San Cristóbal
- 16 d'agostu — San Roque
Personaxes conocíos
Llugar de nacencia del xeneral del Exércitu don Severo Gómez Nuñez, gobernador civil de Cádiz, diputáu nes cortes xenerales, direutor del Diariuño del Ejército, de l'Habana. Gómez Nuñez, amás de ser artilleru ya inxenieru industrial, yera llicenciáu en ciencies y eminente químicu, siendo autor de diversos llibros sobre la química de los esplosivos.
Llocalidaes
El conceyu de Cubiellos del Sil ta conformáu poles siguientes llocalidaes:
- Cabañas de la Dornilla
- Cubillinos
- Cubillos del Sil
- Finolledo
- Fresnedo
- Posadina
Referencies
- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ URL de la referencia: https://www.aemet.es/es/eltiempo/prediccion/municipios/cubillos-del-sil-id24064.
- ↑ Los límites lingüísticos en El Bierzo vistos en la toponimia. Páx. 86
- ↑ Turismu Conceyu de Cubillos del Sil > Afaya Cubillos del Sil > Monumentos relixosos y xacimientos arquológicos
- ↑ VVAA (1959). Zephyrus. Seminariu d'Arqueoloxía. Volumes 10-12. Salamanca: Universidá de Salamanca. Páxs. 13 y 28
- ↑ VVAA (1970). Legio VII Gemina. Llión: Diputación de Llión. Cátedra de San Isidoro. Institutu Lleonés d'Estudios Romanu-Visigóticos. Páx. 420
- ↑ 7,0 7,1 «Conseyu Comarcal del Bierzo > Cubillos del Sil > Información Xeneral». Archiváu dende l'orixinal, el 9 de payares de 2018. Consultáu'l 8 de payares de 2018.
- ↑ Institutu d'Estudios Bercianos-Diario de León. Historia d'El Bierzo. Repoblación y organización del territoriu (I)
- ↑ Cavero Domínguez, Gregoria (1986). Introducción a la nobleza y señoríos del Bierzo baxu-medieval: Estudiu y Fuentes. Tierres de Llión: Revista de la Diputación Provincial de Llión. Vol. 26. nᵘ 65. Páx. 90
- ↑ López, Tomás (1786). Mapa xeográficu del Partíu de Ponferrada, que suelen llamar regularmente provincia del Bierzo. Tamién comprehende la Gobernación de Cabrera y los Conceyos de Ḷḷaciana, Ribas del Sil de riba y de abaxo, siendo toos partes de la provincia de Llión
- ↑ Salgado Fuentes, Carlos Javier (2016). La evolución de la identidad regional en los territorios del antiguo Reino de León (Salamanca, Zamora y León). Salamanca: Universidá de Salamanca. Páx. 153 y ss.
- ↑ Institutu d'Estudios Bercianos-Diario de León: La provincia d'El Bierzo
- ↑ «Real Decretu de 30 de payares de 1833 sobro la división civil de territoriu español na Península ya islles axacentes en 49 provincies» (castellanu). Gaceta de Madrid.
- ↑ Decretu 255/1987, de 29 d'ochobre, pol que s'aprueba la incorporación voluntaria del conceyu de Fresnéu a los conceyos estremeros de Cubillos del Sil y Toreno (Llión).
Enllaces esternos
Wikimedia Commons acueye conteníu multimedia sobre Cubillos del Sil.
Datos: Q44786- Multimedia: Cubillos del Sil