Andry Rajoelina

Andry Rajoelina
Q126392184 16 avientu 2023 - Q126392184 19 xineru 2019 - 9 setiembre 2023 ← Hery Rajaonarimampianina Q124838420 17 marzu 2009 - 25 xineru 2014 ← Marc Ravalomanana - Hery Rajaonarimampianina →
Vida
Nacimientu	Antsirabe, 30 de mayu de 1974 (50 años)
Nacionalidá	Madagascar Francia  (19 payares 2014 -
Familia
Casáu con	Mialy Rajoelina
Oficiu	políticu, disc-jockey
Creencies
Partíu políticu	Tanora Malagasy Vonona (es)

Andry Rajoelina (30 de mayu de 1974, Antsirabe) ye un políticu malgax presidente de Madagascar dende'l 17 de marzu de 2009 hasta'l 25 de xineru de 2014. Antes yera l'alcalde de la capital, Antananarivu y llegó al poder tres un golpe d'estáu protagonizáu pol exércitu contra l'anterior presidente Marc Ravalomanana metanes una llarga crisis de disturbios a lo llargo de 2009.

Entamos na política

Antiguu empresariu y pinchadiscos, introducióse na política en 2007 al presentase como alcalde d'Antananarivu. Ganó les eleiciones col 63% de los votos y llevó a cabu una política populista. En 2009 convertióse nel principal líder opositor, encabezando les manifestaciones contra Ravalomanana.

Golpe d'Estáu de 2009

L'exércitu asaltó la residencia presidencial el 16 de marzu. Anque Ravalomanana nun s'atopaba na so residencia, decidió presentar el so arrenunciu y dexar el poder al militar Hyppolite Ramaroson. L'exércitu declaró'l so sofitu a Rajoelina, una muestra d'eso foi apurriéndo-y el poder del país. Rajoelina prometió convocar unes nueves eleiciones en 24 meses amás de refugar que'l poder permaneza en manes de los militares. La Unión Africana condergó'l golpe d'Estáu, refugando cualquier accesu al poder de forma anticonstitucional. Nesti sentíu, señálase que la Constitución dispón un mínimu de 40 años p'aportar a la presidencia, siendo Rajoelina menor d'esa edá.

Reforma Constitucional

Yá pal 17 de payares de 2010 y dempués de ser retrasáu munches vegaes, foi realizáu un referendu p'aprobar una nueva constitución, que nos sos artículos plantegaba la permanencia indefinida nel poder del primer mandatariu. Nes urnes, el proyeutu de llei foi aprobáu por un 52,6% de los votos escrutados. La oposición política y la comunidá internacionales notó munches irregularidaes nel procesu eleutoral. Los militares salieron a les cais y asocedieron entós munchos disturbios, el presidente Rajoelina aseguró qu'entá s'atopaba na permanencia del poder y los comicios fueron finaizados.

Les siguientes eleiciones presidenciales fueron realizaes el 25 d'ochobre de 2013, siendo necesaria una segunda vuelta'l 20 d'avientu de 2013. Finalmente resultó electu Hery Rajaonarimampianina col 53,5% de los votos, que asocedió a Rajoelina el 25 de xineru de 2014.

Enllaces esternos

• Wikimedia Commons acueye conteníu multimedia sobre Andry Rajoelina.

• Datos: Q57363
• Multimedia: Andry Rajoelina