Auditoriu Príncipe Felipe

Auditoriu Príncipe Felipe
	Auditoriu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Uviéu
Coordenaes	43°21′28″N 5°51′04″W / 43.357639°N 5.851036°O
	Auditoriu Príncipe Felipe Auditoriu Príncipe Felipe (Asturies)
Historia y usu
Apertura	1999
Orixe del nome	Felipe de Borbón

L'Auditoriu Príncipe Felipe ye un auditoriu y palaciu de congresos que s'alcuentra n'Uviéu (Asturies) y inauguróse'l 29 d'abril de 1999.

Tien 4.500 metros de planta y 18.500 m de superficie construida. Diseñólu l'arquitectu Rafael Beca con un presupuestu d'unos 18 millones d'euros, aprovechando les antigües instalaciones del depósitu d'agües d'Uviéu.

La sala principal y la polivalente puen funcionar xuntes o por separaes, sumando ente les dos un aforu de 2.388 persones. Baxo la sala polivalente alcuéntrase la sala de cámara, que tien 400 llocalidaes y na parte d'arriba hai delles sales de conferencies con cuasi les 500 butaques.

Ún de los aspectos más cuidaos del auditoriu foi l'acústica, de la que s'encargó'l físicu catalán Higini Arau.

Dende la so apertura vienen celebrándose nel auditoriu distintos congresos, conferencies, esposiciones, muestres monográfiques, conciertos...

Referencies

Enllaces esternos

Páxina oficial del Palaciu de Congresos (en castellanu y inglés)
Información del auditoriu na páxina del ayuntamientu (en castellanu)