4 e.C.
| Añu 4 e.C. | |
|---|---|
 Les tumbes reales d'Oreung, en Gyeongju, onde la tradición asitia la tumba de Namhae, que socedió a Hyeokgeose como rei del reinu coreanu de Silla. |
|
| Años: | |
| Décades: |
Años 30 e.C. Años 20 e.C. Años 10 e.C. - Años 0 e.C. - Años 0 Años 10 Años 20 |
| sieglos: | |
| Calendariu gregorianu | 4 e.C. IV |
| Ab urbe condita | 750 |
| Calendariu armeniu | N/A |
| Calendariu chinu | 2693 – 2694 |
| Calendariu hebréu | 3757 – 3758 |
| Calendarios hindús - Vikram Samvat - Shaka Samvat |
52 – 53 N/A |
| Calendariu persa | 625 BP – 624 BP |
| Calendariu islámicu | 645 BH – 644 BH |
| Calendariu rúnicu | 247 |
L'añu 4 e.C. foi un añu normal entamáu en martes o miércoles nel calendariu xulianu.
Fechos
[editar | editar la fonte]- Gayus Calvisius Sabinus y Luciu Passienus Rufus exercieron como cónsules de Roma.[1]
- Morrió Herodes I el Grande, rei cliente de Roma que gobernara Xudea dende'l 37 e.C. La fecha del 4 e.C. ye la cronoloxía tradicionalmente más aceptada pola historiografía moderna, anque dellos investigadores propunxeron dates posteriores.[2][3]
- Tres la muerte d'Herodes, el so reinu foi repartíu ente los sos descendientes d'alcuerdu col testamentu del monarca y cola posterior confirmación d'Augustu.[4]
- Herodes Arquelao recibió Xudea, Samaria ya Idumea y foi reconocíu por Augustu como etnarca, con una parte sustancial de los territorios que gobernara'l so padre.[4]
- Herodes Antipas convirtióse en tetrarca de Galilea y Perea, territorios que gobernaría hasta l'añu 39.[4]
- Filipu'l Tetrarca recibió territorios al nordeste del mar de Galilea, ente ellos Batanea, Traconítide y Auranítide, y pasó a gobernalos como tetrarca.[4]
- Poco primero de la muerte d'Herodes producióse una revuelta en Xerusalén rellacionada cola retirada d'una águila d'oru instalada nel Templu de Xerusalén. Herodes ordenó castigar a los responsables, ente ellos los maestros Xudas ben Sarifeu y Matías ben Margalotu.[2]
- Tres la muerte d'Herodes, Herodes Arquelao reprimió con dureza disturbios producíos en Xerusalén durante la celebración de la Pascua xudía, causando un gran númberu de muertos.[5]
- Nel intre del viaxe d'Arquelao a Roma pa solicitar la confirmación del so poder, produciéronse nuevos llevantamientos en Xudea. Ente los cabecilles figuraron Xudas, fíu d'Ezequías, Simón de Perea y Atronges.[6]
- El gobernador romanu de Siria, Publiu Quintiliu Varu, intervieno militarmente pa sofocar les revueltes posteriores a la muerte d'Herodes y restablecer el control romanu na rexón.[6]
- Al rodiu d'esti añu pudo nacer Xesús de Nazaré. La fecha exacta nun se conoz, pero una parte importante de la historiografía sitúa la so nacencia ente'l 6 e.C. y el 4 e.C., principalmente pola cronoloxía del reináu d'Herodes el Grande.[7]
Nacencies
[editar | editar la fonte]- Séneca (m. 65) - filósofu, escritor y políticu romanu nacíu en Corduba, actual Córdoba. La fecha exacta de nacencia ye desconocida y suel asitiase aproximadamente ente'l 4 y el 1 e.C.[8]
- ca. 4 e.C. - Xesús de Nazaré (m. ca. 30) - predicador xudíu y figura central del cristianismu. La so fecha de nacencia nun puede establecese con precisión y la mayoría de reconstrucciones históriques asítiase nos últimos años del reináu d'Herodes I el Grande.[9]
Muertes
[editar | editar la fonte]- Herodes I el Grande (n. ca. 72 e.C.) - rei de Xudea, Galilea, Samaria ya Idumea y monarca cliente de Roma.[2]
- Marcu Tuliu Tirón (n. ca. 103 e.C.) - llibertu, secretariu y collaborador de Cicerón, tradicionalmente asociáu cola creación o sistematización de les notes tironianes, un sistema antiguu de taquigrafía.[10]
Referencies
[editar | editar la fonte]- ↑ Degrassi, Attilio (1952). I fasti consolari dell'Impero Romano dal 30 avanti Cristo al 613 dopo Cristo. Edizioni di Storia e Letteratura.
- 1 2 3 Flaviu Xosefu, Antigüedaes xudíes, XVII, 188-191.
- ↑ Schürer, Emil (1973). The History of the Jewish People in the Age of Jesus Christ 1. T&T Clark, páx. 326–328.
- 1 2 3 4 Flaviu Xosefu, Antigüedaes xudíes, XVII, 317-320.
- ↑ Flaviu Xosefu, Antigüedaes xudíes, XVII, 213-218.
- 1 2 Flaviu Xosefu, Antigüedaes xudíes, XVII, 269-285.
- ↑ Brown, Raymond E. (1993). The Birth of the Messiah, 2ª, Doubleday. ISBN 9780385472029.
- ↑ Griffin, Miriam T. (1976). Seneca: A Philosopher in Politics. Oxford University Press. ISBN 9780198143659.
- ↑ Brown, Raymond E. (1993). The Birth of the Messiah, 2ª, Doubleday. ISBN 9780385472029.
- ↑ McDermott, William C. (1972). «M. Cicero and M. Tiro». Historia: Zeitschrift für Alte Geschichte 21 (2): páxs. 259–286.
Enllaces esternos
[editar | editar la fonte]
Wikimedia Commons acueye conteníu multimedia sobre 4 e.C..
