30 de febreru

De Wikipedia
Saltar a navegación Saltar a la gueta
Febreru
← Xineru Marzu →
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29
Repertoriu de fechos

Febreru tien 28 o 29 díes. Sicasí, tres veces a lo llargo de la hestoria, y solo en determinaos países, hubo un 30 de febreru.

Calendariu suecu - febreru de 1712

Suecia (entós Finlandia yera parte del reinu de Suecia) siguía'l calendariu xulianu, pero adoptaría pasu ente pasu el calendariu gregorianu. Pa ello, a partir de 1700 omitiría un día cada añu, pa llegar finalmente al calendariu gregorianu en 1710 (Delles fontes afirmen qu'omitiría los años bisiestos a lo llargo de 40 años). Asina, quitóse un día en 1700, pero nun se fixo nengún amenorgamientu más tres l'entamu de la Gran Guerra del Norte, colo que'l llamáu calendariu suecu adelantrar por un día al calendariu xulianu, pero entá tenía diez díes de retrasu con respectu al gregorianu. El tracamundiu tocó al so fin cuando, en 1712, hubo dos díes bisiestos, colo qu'esi añu tuvo un 30 de febreru.[1] Esi día correspuende al 29 de febreru del calendariu xulianu y al 1 de marzu del gregorianu. A la fin, Suecia adoptó'l calendariu gregorianu en 1753.

En 1929, la Xunión Soviética introdució un calendariu revolucionariu en que cada mes tenía 30 díes y los cinco o seis díes restantes yeren fiestes que nun pertenecíen a nengún mes. En 1930 y 1931, hubo un 30 de febreru na URSS, pero en 1932 los meses volvieron ser los d'antes.

Sicasí, como'l calendariu gregorianu tien un desfase d'un día cada 3.300 años. Envalórase que nel añu 3344 haya un 30 de febreru.[ensin referencies]

Ver tamién[editar | editar la fonte]

Referencies[editar | editar la fonte]

  1. «30 de febreru de 1712». Fyristorg.


30 de febrero