.es

De Wikipedia
Saltar a: navegación, buscar
Cartel de la avenida "Punto Es", en el Parque Científico Tecnológica de la Universidad de Alcalá.

.es ye'l dominiu de nivel superior xeográficu (ccTLD) pa España. Tamién hai quien lo utiliza na web pa páxines n' español que nun necesariamente correspuenden a España, sinón a entidaes culturales que falen l'idioma, como ye'l casu d'Hispanoamérica.

La estensión territorial .es foi concedida por ICANN en 1988 y xestionada nos primeros años por RedIRIS. Dende'l 2000, la xestión cuerre a cargu de la Entidad Pública Empresarial Red.es, adscrita al Ministeriu d'Industria, Turismu y Comerciu d'España al traviés de la Secretaría d'Estáu de Telecomunicaciones y pa la Sociedá de la Información d'España.

Dende ochobre de 2007, los dominios .es puen incluyir carauteres especiales, como la ñ, ç, · o vocales acentuaes á, é, í, ó , ú y ü.

Dominios de Segundu nivel[editar | editar la fonte]

  • .com.es: Entidaes comerciales.
  • .nom.es: Nomes personales.
  • .org.es: Organizaciones non comerciales.
  • .gob.es: Entidaes Gubernamentales (Llendáu).
  • .edu.es: Instituciones educatives (Llendáu).

Estos dominios utilícense pal rexistru de dominios de tercer nivel. El rexistru de dominios de segundu nivel tamién ta permitíu.

Cambeos en normativa de concesión de dominios[editar | editar la fonte]

La normativa pa la concesión de los dominios .es careció dellos camudamientos a lo llargo de la so historia. Hasta payares de 2005 tenía bayura de torgues y comprobaciones previes a la so concesión (pal segundu nivel, el más demandáu, yera necesariu tener la pallabra esauta del dominiu como marca rexistrada, coincidir col nome esautu d'una empresa o asociación llegalmente constituyida o coincidir col nome y como mínimu un apellíu del solicitante).

La nueva regulación de 2005 supon la lliberación cuasi total pa los dominios .es, l'único requisitu ye tener dalgún tipu de vínculu con España y namái se realicen comprobaciones previes a la concesión pa los dominios de tercer nivel baxo'l .gob.es y el .edu.es.

Les polítiques restrictives d'asignación de dominios, xuntu colos altos precios del rexistru, tienen recibío numberoses crítiques dende estremaos seutores, especialmente asociaciones d'usuarios d'Internet.

La lliberalización y l'abaratamiento del rexistru de dominios tien producío que'l númberu de dominios baxo'l .es se triplique nun añu (85.309 rexistros en 2004, 298.600 rexistros en 2005).[1]

Una de les consecuencies de la lliberalización ye l'apaición d'Axentes Rexistradores Autorizaos[2] (nel 2007 más de 50) que son los únicos autorizaos aparte de nic.es pa rexistrar un dominiu .es.

Referencies[editar | editar la fonte]

Ver tamién[editar | editar la fonte]

Enllaces esternos[editar | editar la fonte]