.edu

De Wikipedia
Saltar a: navegación, buscar

El dominiu .edu ye un dominiu de nivel cimeru patrocináu (sTLD, les sos sigles n'inglés) que forma parte del sistema de nomes de dominios d'Internet. El dominiu .edu ye utilizáu namá con fines educativos, yá sía por instituciones educatives o oficines gubernamentales rellacionaes con estes. Dende'l 2001, a los nuevos inscritos al dominiu riquióse-yos que sían instituciones d'educación cimera afiliaos a los Estaos Xuníos, anque dende entós los que yá taben rexistraos que nun tán afiliaos a los Estaos Xuníos —ya inclusive aquelles instituciones non educatives— caltienen los sos rexistros anguaño. Otros países tienen un dominiu edu de segundu nivel, por casu pa España sería .edu.es o Uruguái .edu.uy.

Elegibilidad[editar | editar la fonte]

Dende'l 29 d'ochobre de 2001 solamente instituciones y organizaciones post-secundaries que sían institucionalmente acreditaes por una axencia na llista d'axencies d'acreditación nacionalmente reconocíes del Departamentu d'Educación de los Estaos Xuníos son elegibles pa solicitar un dominiu edu.[1] Pa poder ser elegible, una institución tien de tar allugada nos EEXX, tar legalmente entamada n'EEXX o ser reconocida por un estáu d'EEXX, axencia territorial o federal. Tamién pueden rexistrar un nome de dominiu .edu oficines de sistema universitariu, oficines de distritu de colexos comuñales y otres entidaes dientro de los EEXX que tán entamaes p'alministrar y gobernar múltiples instituciones post-secundaries acreditaes. #Cada institución elegible ta llindada de rexistrar un solu dominiu .edu, pero les instituciones tamién pueden usar nomes n'otros dominios de nivel cimeru.[2]

Referencies[editar | editar la fonte]

  1. «FAQs on Eligibility for the .edu Domain». EduCause.edu. Consultáu'l 23 de noviembre de 2011.
  2. «FAQs on Current Holders of Names in the .edu Domain». EduCause.edu. Consultáu'l 23 de noviembre de 2011.

Vease tamién[editar | editar la fonte]