El Puertu (parroquia)

El Puertu (Santa María del Mar/El Puertu oficialmente) ye una parroquia del conceyu asturianu de Castrillón. Tien una población de 467 habitantes (INE 2009) en 261 viviendes. Ocupa una estensión de 2,38 km².

Allúgase na zona centro-norte del conceyu. Llenda al norte col mar Cantábricu; al este, cola parroquia de Samartín de L'Aspra; al sur, coles parroquies de Samartín de L'Aspra y Santiagu'l Monte; y al este, cola parroquia de Naveces.

Esta pequeña parroquia, caltien un equilibriu ente les actividaes más tradicionales, como l'agricultura y la ganadería, y un cada vuelta con más puxu'l turismu, apoyáu por un bultable númberu de servicios d'hostelería y agospiamientu. A ello ayuda tamién la cercanía al Aeropuertu d'Asturies.

La sablera del mesmu nome tien 200 metros y un gran valir paisaxísticu, sicasí l'acumuladura de carbón nel ancón, da-y al sable un color escuru. La Islla de la Lladrona alcuéntrase nes proximidaes de la citada sablera.

Mientres los primeros años de la década de los 90 esta población foi una de les zones d'Asturies nes que recalaba gran parte de la mocedá asturiano nes nueches y fines de selmana del branu, con chigres y discoteques emblemátiques asitiaes na mesma sablera.

Población

La parroquia ta formada poles siguientes poblaciones y llugares:

• Arancés (148 habitantes)
• Las Arribas (4 habitantes)
• Las Chabolas (136 habitantes)
• La Llonguera (9 habitantes)
• El Puertu (71 habitantes)
• Las Vallinas (99 habitantes)

• El Barru
• El Molín de Mata
• La Casona
• El Cepéu
• El Cotiquín
• La Cruz
• La Envidia
• La Friera
• La Melandrera
• La Mina
• El Molín d'Adrianu
• La Romana
• Viniella
• La Viña

Referencies

• Sociedad Asturiana de Estudios Económicos e Industriales. «Nomenclátor de entidades de población de Asturias 2008». Consultáu'l 01 de xunetu de 2010.