Quema de la discoteca Siete Siete
| Quema de la discoteca Siete Siete | |
|---|---|
| Xeneral | |
| Tipu |
incendio de estructura (es)  |
| País | España |
| Sede |
La Rondilla (es) |
| Fecha | 6 d'ochobre de 1996 |
| Coordenaes | 41°39′39″N 4°43′50″W / 41.660814°N 4.730461°O |
  Quema de la discoteca Siete Siete Quema de la discoteca Siete Siete (España) | |
| Otros datos | |
 | |
La quema de la discoteca Siete Siete foi un sucesu asocedíu'l 6 d'ochobre de 1996 na mentada discoteca de Valladolid, España, nel que finaron cuatro persones.
Desarrollu de los fechos
[editar | editar la fonte]La discoteca Siete Siete, allugada nel n.ᵘ 34 de la cai de la Rondilla de Santa Teresa, nel barriu de La Rondilla, yera conocida por abrir hasta altes hores de la madrugada. Pertenecía a la familia Arranz Sanz, que rexentaba dellos llocales asemeyaos na ciudá y l'establecimientu cumplía cola normativa de seguridá.[1] El domingu 6 d'ochobre de 1996, a les 06:15 hores, desamarróse una quema na discoteca, asitiada nun suétanu al que s'aportaba per unes escaleres. Nesos momentos la discoteca atopábase zarrando les sos puertes.
Les causes de la quema nun llegaron a esclariase de manera oficial, pero varios testigos afirmaron que'l fueu pudo debese a una colilla o un papel prendíu so unos sillones o a un problema col panel d'interruptores.[2][3]
El fueu provocó la muerte de cuatro persones. Finaron dos muyeres que s'atopaben nell local al desamarrase la quema: una vecera y la emplegada del guardarropa. Darréu, nos llabores de rescate, perdieron la vida dos bomberos al esneldar monóxidu de carbonu. Un veceru resultó mancáu grave con quemadures nel 54 % del so cuerpu y un bomberu resultó mancáu leve por quemadures nuna mano y una oreya.[4]
El Conceyu de Valladolid declaró dos díes de llutu oficial por mor del sucesu. Los funerales, celebraos nes ilesies de San Benito del Real y de Nuestra Señora del Carmen, movilizaron a 3000 persones.[3]
Referencies
[editar | editar la fonte]- ↑ «El Ayuntamiento asegura que cumplía con todas las exigencias legales». El Norte de Castilla. 7 d'ochobre de 1996. http://canales.elnortedecastilla.es/varios/documentos/7-10-1996-incendiosietesiete.pdf. Consultáu'l 18 d'ochobre de 2016.
- ↑ «Cuatro muertos y seis heridos en el incendio que destruyó una discoteca en Valladolid». El País. 7 d'ochobre de 1996. https://elpais.com/diario/1996/10/07/espana/844639215_850215.html. Consultáu'l 18 d'ochobre de 2016.
- ↑ 3,0 3,1 «El juez investiga si el incendio de la discoteca fue intencionado o fortuito». El Norte de Castilla. 8 d'ochobre de 1996. http://canales.elnortedecastilla.es/varios/documentos/8-10-1996-incendiosietesiete.pdf. Consultáu'l 18 d'ochobre de 2016.
- ↑ «El incendio de la discoteca Siete Siete, venti años en el recuerdo de los vallisoletanos». El Norte de Castilla. 6 d'ochobre de 2016. http://www.elnortedecastilla.es/valladolid/201610/06/incendio-discoteca-siete-siete-20161005225039.html. Consultáu'l 18 d'ochobre de 2016.
Enllaces esternos
[editar | editar la fonte]| Control d'autoridaes |
|
|---|
Datos: Q27445661