Organización territorial del Uruguái

De Uiquipedia
Saltar a: navegación, buscar
Mapa políticu del Uruguái.

Uruguái ye un estáu xunitariu. Dixébrase en departamentos que tán gobernaos por un intendente municipal, escoyíu por sufraxu universal por una estada de cinco años. Los ediles de la Xunta Departamental actúen como poder llexislativu a nivel departamental.

Hai 19 departamentos:

(Les capitales departamentales figuren ente paréntesis)

  1. Artigas (Artigas)
  2. Canelones (Canelones)
  3. Cerro Largo (Melo)
  4. Colonia (Colonia del Sacramento)
  5. Durazno (Durazno)
  6. Flores (Trinidad)
  7. Florida (Florida)
  8. Lavalleja (Minas)
  9. Maldonado (Maldonado)
  10. Montevidéu (Montevidéu)
  11. Paysandú (Paysandú)
  12. Río Negro (Fray Bentos)
  13. Rivera (Rivera)
  14. Rocha (Rocha)
  15. Salto (Salto)
  16. San José (San José)
  17. Soriano (Mercedes)
  18. Tacuarembó (Tacuarembó)
  19. Treinta y Tres (Treinta y Tres)

Gobiernu[editar | editar la fonte]

D'atroxu col artículu 262 de la Costitución de la República, en materia d'alministración departamental "el Gobiernu y Alministración de los Departamentos, con esceición de los servicios de seguridá pública, sedrán exercíos por una Xunta Departamental y un Intendente. Tedrán la so sede na capital de ca departamentu y aniciarán les sos funciones sesenta díes dempués de la so eleición." Amás, "l'Intendente, con alcuerdu de la Xunta Departamental, podrá delegar nes autoridaes llariegues l'exerciciu de determinaos cometíos nes sos respectives circuscripciones territoriales"(...).

"Los Gobiernos Departamentales podrán alcordar, ente só y col Poder Executivu asina como colos Entes Autónomos y los Servicios Descentralizaos, la organización y prestación de servicios y actividades propies o ermunes, tanti nos sos respetivos territorios como en forma rexonal o entedepartamental."

Organización[editar | editar la fonte]

L'artículu 263 caltién que: "Les Xuntes Departamentales encadarmaránse de trenta y un ñembros". Éstos exercerán nos sos cargos por una estada de cinco años, lo mesmo que los Intendentes que podrán asinamesmo ser reellectos desixéndose la so renuncia tres meses enantes d'entamar la campaña política.

El cargu d'Intendente alcuéntrase suxetu a sufraxu universal por parte de quienes s'afayen empadronaos nos departamentos au se lleve a cabu la sp eleición.

Competencies departamentales[editar | editar la fonte]

  1. Cumplir y facer cumplir la Costitución y les Lleis.
  2. Promulgar y espublizar los decretos sancionaos pola Xunta Departamental.
  3. Entamamientu de presupuestos cola debida aprobación de la Xunta Departamental.
  4. Aprobación d'impuestos, tasEs y contribuciones; Fitar los precios por emplegu o aprovechamientu de los bienes o servicios departamentales y homologar les tarifes de los servicios públicos a cargu de concesionarios o permisarios.
  5. Nomar a los emplegaos de la so dependencia, correxilos y suspendelos. Destituyilos en casu d'ineptitú, omisión o delitu, con autorización de la Xunta Departamental.
  6. Presentar proyeutos de decretos y resoluciones.
  7. Designar los bienes a espropiase por mor de necesidá o utilidá públiques.
  8. Designar ñembros de les Xuntas Llocales.
  9. Velar pola salú pública y la istrcción primaria, secundaria, preparatoria, industrial y artística, proponiendo a les autoridaes competentes los medios afayadizos pa la so meyora.


Enllaces esternos[editar | editar la fonte]

los departamentos d'Uruguái
Wikimedia Commons tien archivos rellacionaos con: