La Piedá (Ribera)
 | |
| Tipos | pintura |
|---|---|
| Artista | Josep de Ribera |
| Añu | 1633 |
| Xéneru | arte sacro |
| Estilu | barrocu |
| Material | pintura al oleu y Llenzu |
| Dimensiones |
157 ( ) × 210 ( ) cm |
| Coleición |
Museo Nacional Thyssen-Bornemisza (es)  (Madrid) |
| Catalogación | |
| Códigu muséu | 336 (1984.12) |
 | |
La Piedá ye un cuadru de José de Ribera, «El Españoleto», pintáu al oleu sobre llenzu y con unes dimensiones de 157 x 210 cm. Robláu y datáu en 1633, anguaño caltiénse nel Muséu Thyssen-Bornemisza de Madrid. De la mesma temática y títulu caltienen otres dos teles del pintor. Una nel Muséu San Martino de Nápoles y otra na National Gallery de Londres.
Historia[editar | editar la fonte]
Desconozse la persona qu'encargó'l trabayu a Ribera anque se cree que foi un español. La tela ta roblada sobre la roca del ángulu inferior derechu según la fórmula habitual cola que solía faelo por aquella dómina: «Jusepe de Ribera español 1633». Esta foi una de les dómines más prolífiques del pintor tanto pola cantidá d'obres que salieron del so taller como pola so calidá.
El motivu de La Piedá tratóse en numberoses ocasiones y con bien diverses variaciones a lo llargo de la so vida. De les Piedá feches por Ribera qu'entá se caltienen la más antigua ye la guardada nel National Gallery de Londres, de 1620. Dempués siguió La Piedá del Muséu Thyssen del añu 1663 y d'últimes en Nápoles de 1637.
El cuadru vien de la coleición del Marqués d'Heredia.[1]
Descripción[editar | editar la fonte]
La obra enmárcase nun periodu de transición del artista nel que, ensin abandonar les solombres del tenebrismu, empezaba a esperimentar con nuevos coloríos.[1]
El cuerpu de Cristu n'horizontal ye'l qu'enmarca al restu de personaxes na obra. A la derecha Xuan l'Apóstol suxeta'l llombu del yacente mientres qu'a los sos pies, María Madalena besa-ylos con aflicción. Nel centru, velada pola téunica del clarescuru, amuésanos una María con una cara estrozada pol dolor que mira al cielu mientres xunta les manes nuna plegaria. Finalmente, al fondu a la derecha, apréciase la cara de Xosé d'Arimatea.
El focu de lluz de la composición céntrase sobre'l cuerpu yacente dándo-y una apariencia d'estatua marmórea que lu realza consiguiendo tresmitir de manera maxistral tanto'l dolor físicu de les sos firíes -especialmente la de la so banda- como'l dolor anímicu espresáu na so cara y la dexadez del so cuerpu.[1]
Europeana 280[editar | editar la fonte]
N'abril de 2016, la pintura La Piedá foi escoyida como una de les diez obres artístiques más importantes d'España pol proyeutu Europeana.[2]
Referencies[editar | editar la fonte]
- ↑ 1,0 1,1 1,2 «Coleición Thyssen-Bornemisza. Galería Online. La Piedad».
- ↑ «Europeana 280 Blog» (inglés).
Bibliografía[editar | editar la fonte]
- Spinosa, Nicola (1978). Obra pictórica completa de Ribera. Noguer. ISBN 8427987676.
Enllaces esternos[editar | editar la fonte]
| Control d'autoridaes |
|
|---|
Datos: Q20017050