Cruz roxa

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Les dos enseñes xuntes.

La Cruz Roxa ye la enseña, xunto cola Media Lluna Roxa y el Cristal Roxu sobro fondu blancu utilizaos pol Movimientu Internacional de la Cruz Roxa y de la Media Lluna Roca que tá ensamáu poles siguientes organizaciones humanitaries:


Fundación[editar | editar la fonte]

Henry Dunant (8 de mayu de 1828 - 30 d'ochobre de 1910) nació en Xinebra, Suiza. Dedicabase a los negocios y nun viaxe pel Norte d'Italia averóse a Solferino, el mesmu día nel que s'enfrentaren los exércitos austríacu, francés y Piamontés. Pela nueche, na Batalla de Solferino, yacíen 40.000 homes práuticamente desdexaos a la so suerte. Dunant vio cómo los feríos morríen ensin atención denguna, y cola aida de la xente de los pueblos de la redolada, dedicose a socorrelos.

El socesu dexólu ablucáu. Dunant yera filántropu, y el recuerdu llevolu a camentar en formes d'amenorgar situaciones asemeyaes, y tres años dempués, asoleyó los sos atalantamientos. Nún llibru nomáu "Recuerdu de Solferino" Dunant plantegaba el biltu de lo que tendríen de ser les futures sociedaes de la Cruz Roxa. Escribió testualmente "...que tendrá como finalidá, curiar de los feríos en tiemu de guerra, per duana de voluntarios entusiastes y dedicaos, perfeutamente cualificaos pal so trabayu..."

Dende un primer momentu Dunant imaxinó les sociedaes como entes neutrales dispuestes a apurrir aida humanitaria a quien la necesitare, independientemente de la so triba, nacionalidá o creyencies...

La so idea recoyéronla cuatro miembros de la Sociedá Xinebrina d'Utilidá Pública, que xunto con él, emburriaron pol proyeutu hasta la so criación en 1863, del Comité Internacional de la Cruz Roxa. Un añu dempués, el Comité Internacional de la Cruz Roxa algama, col sofitu del Gobiernu Suizu, convocar a conceyu diplomáticu a doce estaos pa que roblen el Primer Conveniu de Xinebra. N'él apáutase:

  • 1-Protexer a los militares feríos en campaña.
  • 2-El calter neutral y proteición del personal Sanitariu y de los hospitales militares.
  • 3-L'adoción de la enseña de la Cruz Roxa sobro fondu blancu como símbolu proteutor.
  • 4- L'afitamientu d'un comité permanente que se denomó "Comité Internacional de la Cruz Roxa".
  • 5-La promoción internacional de Sociedaes de Socorru.

Nel añu 2012, la Cruz Roxa algamó'l Premiu Príncipe d'Asturies de Cooperación Internacional[1]


El Cristal Roxu[editar | editar la fonte]

Cristal Roxu

El día 8 de setiembre de 2005, la Convención de Xinebra, creya el Tercer Emblema Protocolariu, tamién denomáu Cristal Roxu, que nun tien connotaciones relixoses o nacionalistes, y que permite l'ingresu na Federación Internacional del Magem David Adom o Serviciu d'emerxencies Israelín el 22 de xunu de 2006.

Notes[editar | editar la fonte]