Ayuda:Llibros

Book tool: ayuda pa principiantes | ayuda pa espertos | EMF | comentar | esplorar llibros

Esta páxina amuesa-y cómo crear un llibru dende artículos de Wikipedia en cuatro pasos. Los llibros puen crease nos formatos PDF o OpenDocument, o pidir que s'impriman nel sitiu web de PediaPress.

Guía pasu a pasu

Pasu 1: Active la ferramienta "Creador de llibros"

La ferramienta "Creador de llibros" pue activase dende'l cuadru "Imprentar/esportar" del llau izquierdu de la pantalla del navegador haza abaxo (ver Fig.1). Calque "Crear un llibru". La ferramienta "Creador de llibros" apaecerá arriba de la pantalla.

Pasu 2: Xuntar artículos

Páxines individuales

Calcando nel enllaz "Amestar esta páxina al to llibru", la páxina que ta viendose actualmente amiestase a la coleición. P'amestar otru artículu, simplemente visite esi artículu, y calque nuevamente "Amestar esta páxina al to llibru".

Otra manera d'amestar artículos al llibru ye pasar el mur per enriba del enllaz a otru artículu. Dempués d'un segundu, apaecerá un mensaxe que-y ufre la opción d'amestar l'artículu enllazáu al llibru.

Categoríes

Si va a una páxina de categoría, el "Amestar esta páxina al to llibru" cambiará a "Amestar esta categoría al to llibru". Calcando en "Amestar esta categoría al to llibru" amestaránse tolos artículos d'esa categoría.

Del mesmu mou, si pasa'l mur per unu de los enllaces de categoría (qu'apaecen al final de los artículos), apaecerá un mensaxe que-y dará la opción d'amestar la categoría ensembre al llibru.

Cuando tenga seleicionaos los artículos que-y interesen, pue calcar en "Suxerir páxines" y presentaráse una llista d'artículos rellacionaos cola so esbilla. Esto ayudará-y a crear un llibru más completu si queda ensin idees, o si namái quier asegurase de que nun escaeció nada.

Pasu 3: Revisar el llibru

Cuando tea satisfechu col llibru, calque "Amosar llibru" pa dir al siguiente pasu.

Dempués de calcar nel enllaz "Amosar llibru", pue amestar un títulu y un subtítulu al llibru (vea Fig.2). Tamién pue axeitar los artículos y ordenalos d'alcuerdu col so gustu con clicks y arrastres (más detalles na seición Funciones avanzaes más abaxo).

Pasu 4: Descargar o encargar una copia impresa del llibru

El llibru termináu pue descargase o encargase como llibru encuadernáu. Pue descargar el llibru, en formatu PDF y OpenDocument (visible usando'l software OpenOffice o LibreOffice), calcando nel botón "Descargar" (ver Fig 3). Pa encargar el llibru como llibru encuadernáu calque nel botón "Encargar el llibru a PediaPress". Más información tocante a los llibros impresos pue alcontrase nes FAQ.

Funciones avanzaes

Cambiar l'orde de les páxines wiki

Pa cambiar l'orde de les páxines wiki del so llibru, simplemente mueva les páxines na llista titulada "El so llibru". Pa facelo, pase'l mur sobro'l títulu de la páxina a mover, calque y arrastrelu al nuevu llugar. Suelte'l botón del mur p'acabar de mover la páxina al nuevu llugar. Tamién pue ordenar de mou automáticu les páxines por orde alfabéticu.

Guardar y compartir el llibru con otros

Pa guardar el llibru, tien de tener una cuenta rexistrada en Wikipedia (vea ¿Por qué crear una cuenta? pa más detalles de cómo crear una cuenta). Pue guardar el llibru na páxina "Llibru", que pue alcontrase calcando nel enllaz "Amosar llibru" del menú llateral izquierdu. Na seición "Guardar y compartir el so llibru", escueya una de les opciones d'allugamientu y de un títulu a la coleición de llibros. Entós guardaráse calcando nel botón "Guardar llibru".

Más información

Pue alcontrase más información sobro la función de llibros na páxina pa espertos. Esta páxina esplica cómo pue cambiase la presentación de llibros y cómo procesar los llibros guardaos nun momentu posterior.

Llibros impresos de PediaPress

Calcando nel botón "Encargar llibru en PediaPress", la so coleición d'artículos wiki pue imprentase como llibru encuadernáu. Esto unviará-y al sitiu web de PediaPress, un serviciu qu'imprime llibros basaos en conteníu wiki. Pue alcontrase más información tocante a los llibros impresos, incluyendo preciu y formatu, na páxina de FAQ.

En 2007 la Fundación Wikimedia y PediaPress alcordaron una asociación a llargu plazu empobinada a ameyorar la disponibilidá del conteníu de Wikipedia y otros proyeutos basaos en wiki, en forma de productos impresos d'alta calidá o documentos de testu en formatu OpenDocument.

Ver tamién

Ayuda pa espertos – detalles tocante a les funciones avanzaes/pa espertos de la ferramienta Llibru.
FAQ tocante a la ferramienta Llibru.
Comentar – pa información y siguimientu de fallos
Les wikis faense imprentables – Nota de prensa de la Fundación Wikimedia, 13 de diciembre de 2007
Exemplos de llibros de PediaPress en Wikimedia Commons
Documentación téunica de la estensión Collection.