Cometa
 .svg){kind=small} Cometa | |
|---|---|
| tipu d'oxetu astronómicu | |
-_Alessandro_Bianconi.jpg) | |
| Símbolu astronómicu |
|
| Parte de | sistema planetariu |
 | |
Los cometes[1] (del llatín cometa y el griegu kometes, "callezna"), xunto colos asteroides, planetes y satélites, formen parte del Sistema Solar. La mayoría d'estos cuerpos celestes describen órbites elíptiques de gran escentricidá, lo que produz el so averamientu al Sol con un periodu considerable. A desemeyanza de los asteroides, los cometes son cuerpos sólidos ensamaos de materiales que se sublimen nes cercaníes del Sol. A gran distancia (a partir de 5-10UA) desendolquen una atmósfera qu'arrodia al ñúcleu, nomada coma. Esta coma tá ensamada por gas y polvu. Según el cometa s'avera al Sol, el vientu solar raspia la coma y xenérase la cola o callezna carauterística. La cola tá ensamada pol polvu y el gas de la coma ionizáu.
Foi dempués del inventu del telescopiu que los astrónomos entamaron a estudiar los cometes con más detái, alvirtiendo entós que la mayoría d'estos tienen apaiciones periódiques. Edmund Halley foi'l primeru en decatase d'esto y pronosticó l'apaición del Halley en 1758, pal que calculó que tenía un periodu de 76 años, magar que morrió enantes de afitar la so predicción. Darréu del so pequeñu tamañu y órbita abondo allargada, namái ye dable adicar los cometes cuando tan metanes xunto al Sol y por un periodu curtiu de tiempu.
Los cometes son descubiertos davezu visual o fotográficamente usando telescopios de campu anchu u otros medios de magnificación óptica, tales como los binoculares. sicasí, entá ensin equipu ópticu, ye dable descubrir un cometa rasante solar en llinia con un ordenador y una conesión a Internet. Nos años recién, l'Observatoriu Rasante Virtual de David (David J. Evans) (DVSO) permitió a munchos astrónomos aficionaos de tol mundu, descubrir un cometa nuevu en llinia (frecuentemente en tiempu real) usando les caberes imáxenes del Telescopiu Espacial SOHO.
Referencies[editar | editar la fonte]
- ↑ Esti términu apaez nel Diccionariu de l'Academia de la Llingua Asturiana. Ver: cometa
Enllaces esternos[editar | editar la fonte]
Wikimedia Commons acueye conteníu multimedia sobre Cometa 
.- Videos Celestia Videu remedáu del pasu del cometa Halley pol sistema solar (videu nᵘ 11). (castellán)
- Cometes, Astroplaneta Artículos sobro los cometes.
