Zoraptera

Zoraptera;
Clasificación científica
Reinu:	Animalia
Filu:	Arthropoda
Clas:	Insecta
Subclas:	Pterygota
Infraclas:	Neoptera
Orde:	Zoraptera; Silvestri, 1913
Families y xéneros
	Zorotypidae Xenozorotypus †; Zorotypus; ;
Consultes
	[editar datos en Wikidata]

Los zorápteros (Zoraptera) son un orde d'inseutos neópteros, de tamañu bien pequeñu (menos de 3 mm) qu'habiten especialmente en rexones tropicales del sur d'Asia, Oceanía, África occidental, esti d'América del Norte, América Central y norte de Suramérica. Conócense pocu más de 30 especies actuales incluyíes nun solu xéneru, Zorotypus, que constitúi una única familia, Zorotypidae.

Los zorápteros son inseutos hemimetábolos, con antenes filiformes, pieces bucales mazcadores, colos seis pates marchadoras. L'abdome acaba nun par de cercos.

Viven so la corteza d'árboles, madera podre, humus del suelu, etc. Son gregarios y tienen dos morfoloxíes distintes: una ensin ales, ensin güeyos compuestos nin ocelos, que ye la más común, y otra con dichos órganos bien desenvueltos; nun paez tratase d'un casu de castes como en termites o formigues, una y bones dambos tipos d'individuos inclúin machos y femes fértiles.

Referencies[editar | editar la fonte]

Enllaces esternos[editar | editar la fonte]