Zeta Cephei

De Wikipedia
Saltar a navegación Saltar a la gueta
Zeta Cephei
Zeta Cephei
Constelación Cepheus
Ascensión reuta α 22h 10min 51,28s
Declinación δ +58º 12’ 04,5’’
Distancia 725 años lluz
Magnitú visual +3,39
Magnitú absoluta -3,35
Lluminosidá 3600 soles
Temperatura 4310 K
Masa 6,5 - 8 soles
Radiu 126 soles
Tipu espectral K1.5Iab
Velocidá radial -18,4 km/s

Zeta Cephei (ζ Cep / 21 Cephei / HD 210745 / HR 8465),[1][2] tamién llamada Tsao Fu remembrando a un auriga de la mitoloxía china, ye la cuarta estrella más brillosa na constelación de Cefeo. Con magnitú aparente +3,39, ye superada en rellumu por Alderamin (α Cephei), Errai (γ Cephei) y Alfirk (β Cephei). Alcuéntrase a unos 725 años lluz de distancia del Sistema Solar.

Zeta Cephei ye una superxigante naranxa de tipu espectral K1.5Iab con una temperatura superficial de 4310 K. La midida del so diámetru angular dexa evaluar el so diámetru, siendo ésti 126 vegaes más grande qu'el diámetru solar, más de la metá de la distancia que dixebra la Tierra del Sol. Relluma con una lluminosidá 3600 vegaes mayor que la del Sol. Tien una masa ente 6,5 y 8 mases solares —dependiendo del so estáu evolutivu— y una edá envalorada de 50 millones d'años.[3] El so conteníu en metales ye alto, siendo'l so índiz de metalicidá [Fe/H] = +0,22, un 66% superior al del Sol.[4] Coles mesmes, pierde masa a un ritmu averáu d'una millonésima de la masa solar cada añu.[3]

Una pequeña variación de 0,04 magnitúes nel rellumu de Zeta Cephei puede debese a la presencia d'una estrella acompañante que dacuando la clisa. Por ello, ta catalogada como variable eclipsante.[5]

Referencies[editar | editar la fonte]

Coordenaes: Sky map 22h 10m 51.277s, 58° 12 4.546