Zeta Cassiopeiae
Zeta Cassiopeiae (ζ Cas / 17 Cassiopeiae / HD 3360 / HR 153) ye una estrella na constelación de Cassiopeia de magnitú aparente +3,67.[8] Alcuéntrase aproximao a 600 años lluz del Sistema Solar.
Zeta Cassiopeiae ye una estrella azul caliente con una temperatura de 21.000 K.[9] Anque catalogada como subxigante de tipu espectral B2 IV,[8] puede ser una estrella inda na secuencia principal con una edá de 25 millones d'años.[9] Ye una estrella masiva con una masa de 9 mases solares, na llende ente les estrelles que rematen la so vida como nanes blanques masives y aquelles otres que, superando esta llende, esploten como supernoves. Tien un diámetru 6,1 vegaes mayor que'l del Sol y relluma con una lluminosidá 6400 vegaes superior a la lluminosidá solar, incluyendo una importante cantidá de radiación emitida como lluz ultravioleta.[9]
Zeta Cassiopeiae esperimenta llixeres fluctuaciones nel so rellumu de 0,005 magnitúes a lo llargo d'un periodu de 1,56 díes. Ta clasificada como variable pulsante lenta (SPB) —versión fría y tenue de les variables Beta Cephei—, que'l so prototipu ye 53 Persei. Ye la primera dientro d'esta clase onde s'atopó un campu magnéticu; variaciones nel vientu estelar, modulado por dichu campu magnéticu, dexaron calcular el so periodu de rotación —5,37 díes—, que correspuende a una velocidá de rotación de 56 km/s, baxa pa una estrella de les sos carauterístiques.[9]
Referencies
[editar | editar la fonte]- 1 2 3 4 Afirmao en: SIMBAD.
- 1 2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Almudena Alonso-Herrero (febreru 2014). «The IACOB project. I. Rotational velocities in northern Galactic O- and early B-type stars revisited. The impact of other sources of line-broadening» (n'inglés). Astronomy and Astrophysics: páxs. 135–135. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «Gaia Data Release 2» (n'inglés). VizieR Online Data Catalog: páxs. I/345. 25 abril 2018.
- ↑ «The atmospheric parameters and spectral interpolator for the MILES stars» (n'inglés). Astronomy and Astrophysics: páxs. 165–165. xunetu 2011. doi:.
- ↑ «Spectral Classification» (n'inglés). Annual Review of Astronomy and Astrophysics (1): páxs. 29-50. setiembre 1973. doi:.
- 1 2 NSV 225 - Pulsating variable Star (SIMBAD)
- 1 2 3 4 Zeta Cassiopeiae (Stars, Jim Kaler)
Datos: Q2663502