Zeta Aquilae
Zeta Aquilae (ζ Aql / 17 Aquilae)[7] ye la tercera estrella más brillosa de la constelación del Águila, dempués d'Altair (α Aquilae) y Tarazed (γ Aquilae), con magnitú aparente +2,99. Recibe'l nome tradicional de Deneb el Okab, compartíu con ε Aquilae, proveniente del árabe ذنب العقاب (ðanab al-cuqāb) y que'l so significáu ye «la cola del ferre».
Asitiada a 83 años lluz del Sistema Solar, Zeta Aquilae ye una estrella blanca de la secuencia principal de tipu espectral A0Vn. La so lluminosidá ye 39 vegaes mayor que la del Sol y la so temperatura superficial ye de 9680 K. El so diámetru y la so masa son, respeutivamente, 2,2 y 2,4 vegaes mayores que los del Sol. La carauterística más notable de Zeta Aquilae ye la so elevadísima velocidá de rotación, una de les mayores que se conocen. La so velocidá ecuatorial ye de 330 km/s —165 vegaes mayor que la del Sol—, completando un xiru cada 16 hores. Yá que les estrelles van xirando más adulces conforme pasa'l tiempu, deduzse que Zeta Aquilae ye una estrella nueva que les sos carauterístiques físiques nun camudaron enforma dende la so formación.[8]
A 6 segundos d'arcu esiste una compañera tenue, una nana colorada dixebrada siquier 125 UA con un periodu orbital de 800 años a lo menos. Una segunda estrella más distante, tamién nana colorada, nun ye seguru si ye una compañera real o si a cencielles alcuéntrase na mesma llinia de visión.[8]
Referencies
[editar | editar la fonte]- 1 2 3 4 5 6 Afirmao en: SIMBAD. Llingua de la obra o nome: inglés.
- 1 2 Floor van Leeuwen (marzu 2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ «Rotational velocities of A-type stars in the northern hemisphere. II. Measurement of v sin i» (n'inglés). Astronomy and Astrophysics (3): páxs. 897-911. ochobre 2002. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759-771. payares 2006. doi:.
- ↑ «Gaia DR2» (n'inglés). VizieR Online Data Catalog. 25 abril 2018. doi:.
- 1 2 Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I.» (n'inglés). The Astronomical Journal (4): páxs. 2048–2059. doi:.
- ↑ Zeta Aquilae (SIMBAD)
- 1 2 Deneb el Okab Australis (Stars, Jim Kaler)
Datos: Q13212