Yolanda de Xerusalén

Yolanda de Xerusalén
Llista de reis de Xerusalén
Vida
Nacimientu	Acre, abril de 1212
Nacionalidá	Reinu de Xerusalén
Muerte	Andría, 5 de mayu de 1228 (16 años)
Sepultura	Catedral de la Asunción de Santa María (es)
Causa de la muerte	fiebres puerperales (es)
Familia
Padre	Juan de Brienne
Madre	María de Montferrato
Casada con	Federicu II Hohenstaufen (1225, 1225 – 1228)
Fíos/es	Conrado IV (es)
Hermanos/es	John II of Brienne Luis de Acre (es) Alfonso de Brienne (es) María de Brienne (es)
Pueblu	Casa de Brienne (es)
Oficiu	política

Yolanda de Brienne (abril de 1212, Acre – 5 de mayu de 1228, Andría), tamién conocida como Isabela II de Xerusalén, foi una princesa d'orixe francés que se convirtió en reina de Xerusalén. Asocedió a la so madre, María de Montferrato, cuando esta morrió al poco tiempu de da-y lluz.

Reina neña

Yolanda nació n'Andria, Italia, fía única de María de Montferrato, reina de Xerusalén, y de Juan de Brienne. María yera la fía de la reina Isabel de Xerusalén del so segundu home Conrado I, y heredera, a la muerte de la so madre, del reinu de Xerusalén. María morrió pocu dempués de dala a lluz, posiblemente por fiebre puerperal. Por cuenta de esto, Yolanda foi proclamada reina de Xerusalén cuando namái tenía unos díes d'edá. Por cuenta de que'l so padre Juan nun tenía una pretensión direuta al tronu, él gobernó como rexente hasta'l so matrimoniu.

Matrimoniu con Federico II

Matrimoniu de Yolanda de Xerusalén con Federico II.

Yolanda casóse con Federico II Hohenstaufen, emperador del Sacru Imperiu, el 9 de payares de 1225, quien s'implicara na Quinta Cruzada, unviando tropes dende Alemaña, pero nun consiguió acompañar al exércitu direutamente, a pesar de que lo afalaben a ello los papes Honorio III y más tarde Gregorio IX, pos precisaba consolidar la so posición n'Alemaña ya Italia antes d'embarcase nuna cruzada. Sicasí, Federico de nuevu prometió dir a la cruzada dempués de la so coronación como Sacru emperador Romanu en 1220 por Honorio III.

Mientres una xunta ente Juan de Brienne, el papa Honorio III y Federico II na ciudá de Ferentino en 1223, el destín de Yolanda quedó decidíu: Federico aceptó finalmente dir a la cruzada, pero namái como rei llexítimu de Xerusalén, y esto namái yera posible si se casaba cola reina Yolanda; aquel día Federico yera viudu. Este foi un plan del papa, quien esperaba que con esti enllaz comprometería firmemente al emperador na quinta cruzada. El compromisu quedó confirmáu, pero l'emperador entá retrasó la so partida hasta agostu de 1225, cuando él y Yolanda quedaron casaos por poder na ciudá d'Acre. Díes dempués, Yolanda foi coronada como Reina de Xerusalén.

La reina agora coronada foi unviada a Italia y casóse en persona con Federico II na catedral de Brindisi, el 9 de payares de 1225. Na ceremonia, proclamóse como rey Federico de Xerusalén. Darréu Federico II procuró que'l so suegru, Juan de Brienne, hasta entós rexente, fora quitáu del cargu y los sos derechos tresferíos a él. A pesar del so nuevu cargu como rei de Xerusalén, Federico II siguió tomándose'l so tiempu pa ponese en marcha, y en 1227, foi escomulgáu pol papa Gregorio IX por non cumplir con honor el so votu de cruzáu.

Muerte

Dempués de la boda, Yolanda foi recluyida pol so maríu. Pasó'l so tiempu nel harén de Federico en Palermo. En payares de 1226 dio a lluz al so primer fíu, una neña (a la que delles fontes llamen Margarita) que morrió n'agostu de 1227.

Federico finalmente zarpó de Brindisi el 8 de setiembre de 1227 escontra Xerusalén pero careció en Otranto, onde Lluis IV, landgrave de Turinxa, fuera lleváu a tierra. Federico retardó'l viaxe mientres se recuperaba. Mentanto, Yolanda morrió dempués de dar a lluz al so segundu fíu, un neñu, Conrado, n'Andria, Bari, el 25 d'abril de 1228. Ta soterrada na catedral d'Andria. Federico finalmente embarcó pa Xerusalén el 28 de xunu.

Federico II reclamó'l reinu de Xerusalén a la muerte de la so esposa. Anque se coronó a sigo mesmu como rei de Xerusalén na Ilesia del Santu Sepulcru'l 18 de marzu de 1229, gobernó como rexente en nome del so fíu, estableciendo una tregua colos musulmanes en 1229 mientres la Sesta Cruzada.

Ancestros

Ancestros de Yolanda de Xerusalén

16. Erardo I de Brienne

8. Gautiero II de Brienne

17. Alicia de Roucy-Ramerupt

4. Érard II de Brienne

18. Xuan I, conde de Soissons

9. Adela de Soissons

19. Avelina de Pierrefonds

2. Juan de Brienne

20. Ricardu II de Montfaucon

10. Amadeo II de Montfaucon

21. Sofía de Montbéliard

5. Inés Montfaucon

22. Roger de Joinville

11. Beatriz de Grandson-Joinville

23. ???

1. Yolanda de Xerusalén

24. Raniero de Montferrato

12. Guillermu V de Montferrato

25. Gisela de Borgoña

6. Conrado de Montferrato

26. Leopoldu III d'Austria

13. Judit de Babenberg

27. Inés d'Alemaña

3. María de Montferrato

28. Fulco de Xerusalén

14. Amalarico I de Xerusalén

29. Melisenda de Xerusalén

7. Isabel de Xerusalén

30. Juan Comneno

15. María Comnena

31. María Taronitissa

Referencies

• Esti artículu ye una obra derivada de la edición de 1911 de la Encyclopædia Britannica, disponible sin torgues conocíes de derechu de autor. Esta obra derivada alcuéntrase disponible baxo les llicencies GNU Free Documentation License y Creative Commons Atribución-CompartirIgual 3.0 Unported.

Enllaces esternos

• Wikimedia Commons acueye conteníu multimedia sobre Yolanda de Xerusalén.

Predecesor: Constanza d'Aragón	Emperatriz del Sacru Imperiu y Reina consorte d'Alemaña 9 de payares de 1225 - 25 d'abril de 1228	Socesor: Isabel d'Inglaterra
Predecesor: María	Reina de Xerusalén 1212 - 1228	Socesor: Conrado II
Predecesor: Constanza d'Aragón	Reina consorte de Sicilia 1225 - 1228	Socesor: Isabel d'Inglaterra

• Datos: Q233809
• Multimedia: Isabella II of Jerusalem