Xuegos Náuticos Intercélticos y del Espaciu Atlánticu

De Wikipedia
Saltar a navegación Saltar a la gueta
     Arco Atlánticu[1]

Los Xuegos Náuticos Intercélticos y del Espaciu Atlánticu son un eventu deportivu náuticu que se celebra añalmente nos distintos países y rexones que configuren el Arco Atlánticu Européu. Estos xuegos atópense enmarcaos nun proyectu de cooperación ente los países y rexones atlánticos pa promover l'intercambiu deportivu, cultural y económicu, y fomentar l'entendimientu y l'amistá ente los pueblos.

El Comité Internacional[editar | editar la fonte]

El Comité Internacional de los Xuegos Náuticos Intercélticos foi creáu en 1996, tres los primeru xuegos. Ye una asociación qu'axunta representantes de les distintes rexones miembros. Na actualidá, ta compuestu pelos países y rexones d'Irlanda, Isla de Man, País de Gales, Cornualles, Escocia, Bretaña, Asturies, Galicia, Norte de Portugal y País Vascu. Cada añu, mientres una asamblea xeneral, los miembros del Comité Internacional de los Xuegos Náuticos Intercélticos escueyen el país o rexón que va entamar l'eventu, ellaboren los reglamentos y les regles de competición y deciden les aiciones pa la promoción de los Xuegos Náuticos Intercélticos y del Espaciu Atlánticu.

Los Xuegos Náuticos Intercélticos[editar | editar la fonte]

Kayak.
Regata de vela.
Surf.
Submarinismu.
Remu, doble scull.

Cada añu mientres el branu, 500 a 600 competidores veníos de los países y de les rexones del Espaciu Atlánticu atopar pa una selmana de competiciones y d'intercambios. Ye una competición qu'axunta los meyores deportistes de les federaciones náutiques de les rexones. Esta competición constitúi l'únicu eventu deportivu internacional qu'axunta los deportes náuticos siguientes: vela, surf, piragüismu, remu, submarinismu y coche de vela.

Los Xuegos Náuticos Intercélticos y del Espaciu Atlánticu tamién tienen una parte cultural y una parte económica que se tán desenvolviendo.

La selmana de competición vien acompañada d'un importante programa cultural. Dellos conciertos y espectáculos son entamaos, ensin escaecer los grandes momentos de fiesta que son les Ceremonies d'Apertura y de Clausura que destaquen les fuercies de los países y de les rexones que participen.

Dende 2003, los Xuegos fueron arriquecíos pola presencia d'un Mercáu Celta, onde, mientres cuatro díes, espositores de les distintes rexones participando a los xuegos presenten los productos de les sos tierres a un públicu más importante cada añu.

Países y rexones participantes[editar | editar la fonte]

Dende la so primer celebración en Bretaña en 1995, l'oxetivu de los Xuegos Náuticos Intercélticos foi axuntar, mientres una selmana de competiciones náutiques, delegaciones de toles rexones atlánticu y celta d'Europa. Delles rexones non céltiques quixeron entrar na organización polo que dende 2007, los xuegos llámense Xuegos Náuticos Intercélticos y del Espaciu Atlánticu. Los países participantes hasta la fecha fueron Irlanda, Isla de Man, País de Gales, Cornualles, Escocia, Bretaña, Asturies, Galicia, Norte Portugal y País Vascu, integrantes actuales del Comité Internacional, más Cantabria, Islles Canaries, Aquitania, Devon y Cataluña.

Sedes de los Xuegos[editar | editar la fonte]

Los Xuegos Náuticos Intercélticos fueron entamaos 15 vegaes nes 10 distintes rexones qu'integren el Comité Internacional:

Añu Eventu See País/Región
1995 I edición Presqu'île de Crozon Flag of Brittany (Gwenn ha du).svg Bretaña
1996 II edición Tenby Flag of Wales (1959).svg País de Gales
1997 III edición Ferrol Flag of Galicia.svg Galicia
1998 IV Edición Bude Flag of Cornwall.svg Cornualles
1999 V edición Largs Flag of Scotland.svg Escocia
2000 VI edición Xixón Flag of Asturias.svg Asturies
2001 VII edición Porto Flag of Portugal.svg Norte de Portugal
2002 VIII edición Ballyshannon Flag of Ireland.svg Irlanda
2003 IX edición Pays de Morlaix Flag of Brittany (Gwenn ha du).svg Bretaña
2004 X edición O Salnes Flag of Galicia.svg Galicia
2005 XI edición Xixón Flag of Asturias.svg Asturies
2006 XII edición Cornualles Flag of Cornwall.svg Cornualles
2007 XIII edición Pays de Morlaix Flag of Brittany (Gwenn ha du).svg Bretaña
2008 XIV edición Getxo y Sopelana Flag of the Basque Country.svg País Vascu
2009 XV edición Viana do Castelo Flag of Portugal.svg Norte de Portugal
2010 XVI edición Santander Flag of Cantabria.svg Cantabria

Cantabria 2010[editar | editar la fonte]

Los Xuegos Náuticos 2010 van ser entamaos pol Gobierno y la Federaciones deportives de Cantabria na Badea de Santander del 31 de xunetu al 5 d'agostu.[2] Como en 2009, los deportes en competición van ser la vela, el remu, el kayak, el surf y les actividaes subacuátiques. Les distintes competiciones van tener llugar nos siguientes allugamientos de los conceyos cántabros de Santander, Ribamontán al Mar, Marina de Cudeyo[2] y Camargo:[3]

Windsurf na mariña de Cantabria
Regata de traineras, embarcación propia de la mariña cantábrica, na Badea de Santander.
Isla de Mouro, redolada a la cual va tener llugar la fotografía submarina.
Vista de la Badea de Santander.

Notes[editar | editar la fonte]

  1. Atlantic Arc Commission.
  2. 2,0 2,1 Juego Náuticos Atlánticos Cantabria 2010. «Concretaes les disciplines deportives que compiten en Cantabria 2010» (español). Consultáu'l 22 de marzu de 2010.
  3. 3,0 3,1 Conceyu de Camargo. «Camargo va ser sede de toles competiciones de remu de los Xuegos Náuticos Atlántico Cantabria 2010» (español). Consultáu'l 30 de xunu de 2010.

Enllaces esternos[editar | editar la fonte]