Xuana la Beltranexa

De Wikipedia
Saltar a navegación Saltar a la gueta
Xuana la BeltranexaPicto infobox character.png
Joana, a Excelente Senhora - The Portuguese Genealogy (Genealogia dos Reis de Portugal).png
Vida
Nacimientu Madrid28  de febreru de 1462
Nacionalidá Corona de Castiella
Fallecimientu

Lisboa12  d'abril de 1530

(68 años)
Familia
Padre Enrique IV de Castiella
Madre Juana de Portugal
Casáu/ada con Alfonso V de Portugal Traducir
Pueblu Casa de Trastámara Traducir
Estudios
Llingües castellanu
Oficiu
Oficiu monxa
Creencies
Relixón catolicismu
Orde relixosa Orden de las Hermanas Pobres de Santa Clara Traducir
Cambiar los datos en Wikidata

Juana de Castiella, llamada polos sos adversarios «la Beltraneja» (Madrid, 28 de febreru de 1462Lisboa, 12 d'abril de 1530)[1] foi una infanta castellana, reina proclamada de Castiella y de Llión y reina consorte de Portugal. Destituyida del so rangu, hubo d'arrenunciar por tratáu a tolos sos títulos y señoríos, inclusive a la so calidá d'infanta castellana y d'alteza, quedando llamada oficialmente, por real decretu portugués, «a Escelente Senhora» hasta'l final de la so llarga vida nel esiliu de Portugal. Foi la única fía y heredera d'Enrique IV y de la so segunda esposa la reina Juana de Portugal, fía d'Eduardo I de Portugal.[2] Una parte de la nobleza castellana nun la aceptó como fía biolóxica del rei'l so padre, a quien acusó d'obligar a la reina —la so muyer— a tener un fíu col so favoritu, Beltrán de la Cueva, primer duque de Alburquerque, a pesar de que dambos xuraren solemnemente que nun fuera asina. Beltrán nun s'atopaba en llugar necesariu pa ello nes feches concretes. Había abarruntes sobre la impotencia d'Enrique IV una y bones primeramente había estáu casáu cola infanta Blanca de Navarra y el matrimoniu declaróse nulu porque nunca llegó a peracabase. Amás, Enrique IV nun tuvo más fíos nin cola so muyer nin con nenguna de los sos amantes.