Xuan Santori

De Wikipedia
Saltar a navegación Saltar a la gueta
Xuan SantoriPicto infobox auteur.png
Vida
Nacimientu

Uviéu24  de xunetu de 1968

(53 años)
Nacionalidá Flag of Spain.svg España
Estudios
Llingües falaes castellanu
asturianu
Oficiu
Oficiu escritor
Premios
Cambiar los datos en Wikidata

Xuan Santori (24  de xunetu de 1968Uviéu)[1], ye un escritor asturianu. Llicenciáu en Filoloxía Inglesa y Doctor en Filoloxía. Como escritor diose a conocer col poemariu Zunes.

En 1999 ganó'l Premiu Teodoro Cuesta de Poesía col llibru Los inconvenientes de la especie, obra na que s'aprecien les influencies de la llírica europea de güei, y tamién l'Elvira Castañón nel 2008 con Les inconveniencies de la especia (2000) y Según cumple'l día (2015).

El so tercer poemariu foi Bis a bis, onde fala d'amor, d'alcuentros y desalcuentros.

Del 2006 ye la so primera obra narrativa, La heredá. Tamién tien publicada la traducción de Poesía épica anglosaxona (1999) y los llibros Milenta voces. Visiones del Surdimientu (2006) y El Surdimientu y la lliteratura n'asturianu: normalización y estandarización (2013) foi la so tesis doctoral na que l'autor fai un repás de la construcción del estándar normativu del asturianu al traviés de les voces mas importantes de la lliteratura asturiana del Surdimientu.

Amás d'estos poemarios premiaos, Santori foi reconocíu colos Premios de la Crítica d'Asturies nos años 2006 y 2008 con La Heredá (anteriormente mencionada) y La Fábrica de lluz (2008).

Nel añu 2017 algamó'l primer premiu de la XXIII edición del concursu d'ensayu Máximo Fuertes Acevedo col so trabayu 42.553. Depués de Buchenwald que sería asoleyada por Ediciones Trabe en 2018[2] y que cuenta la historia de Vicente García Riestra, un polesu deteníu en Francia y deportáu nel 1944 pola Xestapo pal campu de concentración de Buchenwald. Esta obra, depués de delles ediciones n'asturianu, foi traducida al castellanu nel 2020.

Foi collaborador del selmanariu Les Noticies y trabayó como filólogu na Oficina de Política Llingüística del Principáu d'Asturies.

Referencies[editar | editar la fonte]

  1. Fecha y llugar de nacimientu
  2. 42.553. Depués de Buchenwald www.trabe.org Consultao'l 07.06.2018

Enllaces esternos[editar | editar la fonte]