Xidi
 Xidi | |
|---|---|
 | |
| Alministración | |
| País |  República Popular China |
| Provincies | Anhui |
| Ciudá-prefeutura | Huangshan |
| Condáu | Yī Xiàn (es)  |
| Villa (es) | Xidi (en) |
| Tipu d'entidá | aldea de la República Popular China |
| Nome oficial | 西递村 (zh-cn) |
| Xeografía | |
| Coordenaes | 29°54′16″N 117°59′15″E / 29.904444444444°N 117.9875°E |
  Xidi Xidi (República Popular China)  | |
| Superficie | 0.24 km² |
| Más información | |
| Estaya horaria | UTC+08:00 |
 | |
| Patrimoniu de la Humanidá — UNESCO | |
|---|---|
|
Puerta d'entrada a Xidi | |
| Llugar |
 China |
| Criterios | Cultural: iii, iv, v |
| Referencia | 1002 |
| Inscripción | 2000 (XXIV Sesión) |
| Área | Asia y Oceanía |
| |
Xidi ye una llocalidá asitiada al sur de la provincia china d'Anhui. Xunto cola villa de Hongcun foi declarada en 2000 pola Unesco Patrimoniu de la Humanidá[1] cola denominación de antiguos poblaos del sur de Anhui.
El pueblu, llamáu d'antiguo Xichuan (ríu del oeste) por cuenta de los cursos d'agua que lo crucien, espolletó gracies a la familia Hu que s'instaló nel añu 1047. En 1465 esta familia entró nel mundu de los negocios con ésitu, lo que provocó un rápidu aumentu de la población según la construcción de destacaos edificios, tanto públicos como privaos. Ente ellos atopen les pontes Huiyuan y Gulai.
A partir de mediaos del sieglu XVII, la influencia de los miembros de la familia Hu estendióse, pasando del comerciu a la política. La prosperidá de Xidi llegó al so puntu máximu nos sieglos XVIII y XIX, con más de 600 residencies. Empezó a tornar escontra'l final de la dinastía Qing al desintegrarse el sistema feudal.
Xidi, asitiáu nuna zona montascosa, recibe tres cursos d'agua que proceden del norte y del este y que se xunen so la ponte Huiyan, asitiáu al sur del pueblu. Una cai principal y dos calles paraleles, coneutaes per estreches aveníes, crucien la villa d'este a oeste. Una serie de pequeños espacios abiertos sirven d'accesu a los principales edificios públicos como la sala del respetu, la sala de la reminiscencia o'l arcu de trunfu del gobernador.
Les numberoses residencies construyíes mientres les dinastíes Ming y Qing destaquen pola so arquiteutura, formada por una estructura de madera y parés de lladriyos, según poles sos decoraciones tallaes. La mayoría d'elles construyéronse a lo llargo d'unu de los trés cursos d'agua que crucien el pueblu.
Ver tamién[editar | editar la fonte]
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobre Xidi 
.- El pueblu de Xidi
| Control d'autoridaes |
|
|---|
