Xi Phoenicis

De Wikipedia
Saltar a navegación Saltar a la gueta
Xi Phoenicis
Xi Phoenicis
Constelación Fénix
Ascensión reuta α 00h 41min 46,40s
Declinación δ -56º 30’ 04,7’’
Distancia 213 años lluz
Magnitú visual +5,71
Magnitú absoluta +1,64
Lluminosidá 20 soles
Temperatura 8240 K (aprox)
Masa 1,98 soles
Radiu 2,2 soles
Tipu espectral Ap
Velocidá radial +9,8 km/s

Xi Phoenicis (ξ Phe / HD 3980 / HR 183)[1] ye una estrella variable na constelación de Fénix. De magnitú aparente media +5,71, alcuéntrase a 213 años lluz de distancia del Sistema Solar.

De tipu espectral Ap,[1] Xi Phoenicis ye una estrella peculiar con sobreabundancia de ciertos elementos químicos y con un intensu y variable campu magnéticu. N'el so superficie detéctense manches de neodimiu, europiu y litiu, esibiendo tamién un eleváu conteníu de manganesu, típicu d'estrelles de mercuriu-manganesu más calientes.[2] El so campu magnéticu efectivu <Be> algama'l valor de 1202 G.[3] Anque les sos carauterístiques son bien similares a les de les estrelles roAp —como 10 Aquilae—, a diferencia d'éstes nun esperimenta pulsaciones.

Xi Phoenicis tien una temperatura efectivo de 8240 K y relluma con una lluminosidá 20 vegaes mayor que la del Sol.[4] Con un radiu 2,2 vegaes más grande qu'el radiu solar, rota con una velocidá de 15 km/s, lo que da llugar a un periodu de rotación de 3,95 díes.[4] La so masa dobla la del Sol y tien una edá envalorada de 676 millones d'años, polo que s'atopa na metá de la so vida como estrella de la secuencia principal.[5]

Catalogada como variable Alfa2 Canum Venaticorum, el so rellumu bazcuya ente magnitú +5,68 y +5,78 a lo llargo d'un periodu de 3,9516 díes.[6]

Referencies[editar | editar la fonte]