Xi Aquilae

De Wikipedia
Saltar a navegación Saltar a la gueta
Xi Aquilae
Xi Aquilae
Constelación Aquila
Ascensión reuta α 19h 54m 14,88s
declinación δ +08º 27’ 41,2’’
Distancia 184 ± 2 años lluz
Magnitú visual +4,72
Magnitú absoluta +0,63
Lluminosidá 69 soles
Temperatura 4780 K
Masa 2,2 soles
Radiu 12 soles
Tipu espectral G9IIIb
Velocidá radial -41,8 km/s

Xi Aquilae (ξ Aql / 59 Aquilae / HD 188310) ye una estrella de magnitú aparente +4,72[1] asitiada na constelación del Águila. En 2008 anuncióse'l descubrimientu d'un planeta estrasolar n'órbita alredor d'esta estrella.[2]

Asitiada a unos 184 años lluz del Sistema Solar, Xi Aquilae ye una xigante mariella de tipu espectral G9IIIb con una temperatura superficial de 4780 K. Tien un radiu 12 vegaes más grande qu'el radiu solar y una lluminosidá 69 vegaes mayor que la del Sol.[2] Ye una estrella de carauterístiques físiques iguales a les de Altais (γ Draconis) o γ Piscium, magar s'atopa a casi'l doble de distancia qu'éstes.

Xi Aquilae esibe una metalicidá claramente inferior a la del Sol ([Fe/H] = -0,32). Con una masa de 2,2 de mases solares, tien una edá envalorada de 4680 ± 2190 millones d'años[3] y nel so interior tien llugar la fusión nuclear del heliu en carbonu. Enantes d'evolucionar escontra una estrella xigante foi una estrella blancu-azulada de la secuencia principal de tipu B9.[4] Paez ser cromosféricamente inactiva.[2]

Sistema planetariu[editar | editar la fonte]

El planeta, denomináu Xi Aquilae b, ta asitiáu a 0,68 UA de la estrella —daqué menos de la distancia que dixebra Venus del Sol—, completando una órbita cada 136,75 díes. La so masa ye de siquier 2,8 vegaes la masa de Xúpiter.[5] Ente los planetes descubiertos orbitando alredor d'una estrella evolucionada, ye'l que tien el periodu orbital más curtiu. Foi detectáu por espectroscopia Doppler dende'l Observatoriu Astrofísicu de Okayama en Xapón.[2]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
Xi Aquilae b > 2,8 136,75 (± 0,25) 0,68 0

Ver tamién[editar | editar la fonte]

Referencies[editar | editar la fonte]

  1. Ksi Aquilae (SIMBAD)
  2. 2,0 2,1 2,2 2,3 Sato, Bun'ei; Izumiura, Hideyuki; Toyota, Eri; Kambe, Eiji; Ikoma, Masahiro; Omiya, Masashi; Masuda, Seiji; Takeda, Yoichi; Murata, Daisuke; Itoh, Yoichi; Ando, Hiroyasu; Yoshida, Michitoshi; Kokubo, Eiichiro; Ida, Shigeru. «Planetary Companions around Three Intermediate-Mass G and K Giants: 18 Del, xi Aql, and HD 81688». Publications of the Astronomical Society of Japan 60 (3). 539-550. http://cdsads.u-strasbg.fr/cgi-bin/nph-bib_query?2008PASJ...60..539S&db_key=AST&nosetcookie=1. 
  3. Soubiran, C.; Bienaymé, O.; Mishenina, T. V.; Kovtyukh, V. V.. «Vertical distribution of Galactic disk stars. IV. AMR and AVR from clump giants». Astronomy and Astrophysics 480 (1). pp. 91-101 (Tabla consultada en CDS). http://cdsads.u-strasbg.fr/cgi-bin/nph-bib_query?2008A%26A...480...91S&db_key=AST&nosetcookie=1. 
  4. Xi Aquilae (Stars, Jim Kaler)
  5. Ksi Aquilae (The Estrasolar Planets Encyclopaedia)

Coordenaes: Sky map 19h 54m 14.882s, 8° 27 41.227