Xeografía de les Islles Fixi

De Wikipedia
(Redirixío dende Xeografía d'Islles Fixi)
Xeografía de les Islles Fixi
 
[editar datos en Wikidata]
Mapa de Fixi.

Fixi ye un grupu d'islles volcániques nel Pacíficu Sur, asitiaes a unos 4.450 km al suroeste de Honolulu y a 1.770 km al norte de Nueva Zelanda. Fixi ta compuestu por 322 islles, alredor d'un terciu habitaes, y 522 atolones, formando un archipiélagu.

Islles[editar | editar la fonte]

Sablera Nacula.

Los dos islles más importantes son Viti Levu y Vanua Levu. Xuntes concentren representen más del 80% de la población nacional. Dambes son montascoses, con picos de más de 1.300 msnm, que s'alcen abruptamente dende la vera del océanu Pacíficu y cubiertos de monte tropical. En dambes preséntase una pluviosidá de 304 cm añales, que les sos agües cayen principalmente na banda suroriental, lo que favorez la crecedera de grandes árboles. Como les tierres baxes de la porción occidental de dambes islles tán protexíes pelos montes, nelles da una marcada estación seca que favorez el cultivu de la caña d'azucre.

En Viti Levu tán la capital Suva, lo mesmo que Lautoka y Nadi, onde s'atopa'l principal aeropuertu internacional de Fixi. Concentra aproximao dos tercios de la población del país. En Vanua Levu, pela so parte, les principales ciudaes son Labasa y Savusavu.

Otres islles importantes de Fixi son Taveuni y Kadavu, que constitúin la tercera y cuarta islla en tamañu. Rotuma, pela so parte, atópase a quinientos km al norte del archipiélagu. Por cuenta de les sos particularidaes sociales, pos comparte elementos culturales y llingüísticos con Samoa y Tonga, gocia d'un estatus d'autonomía.

Referencies[editar | editar la fonte]

Enllaces esternos[editar | editar la fonte]

  • Asia rooms. Información xeneral. (N'inglés).
  • Fiji discovery. Información xeneral. (N'inglés).
  • Maps of world. Información xeneral con seiciones sobre les islles, el clima, la flora y la fauna. (N'inglés).
  • Tropical fiji. Información xeneral, con mapa del archipiélagu. (N'inglés).