Xeoesquema de les Naciones Xuníes

De Wikipedia
Saltar a navegación Saltar a la gueta
Rexones estadístiques del mundu según la definición de la División Estadística de les Naciones Xuníes. L'Antártida nun ta incluyida nesta división.

El xeoesquema de les Naciones Xuníes ye un sistema que divide los países del mundu en grupos rexonales y sorrexonales. Foi diseñáu pola División Estadística de les Naciones Xuníes a partir del estándar de códigos d'area xeográfica M.49 [1][2][3].

Usu del xeoesquema[editar | editar la fonte]

Los sos creadores dexen afitao que "l'asignación d'un país o territoriu a una de les rexones faise namái por conveniencia estadística, y nun implica opinión dalguna de los autores sobre l'afiliación política o d'otru tipu de los países o territorios incluyíos en caúna d'elles"[4].

Esti xeoesquema nun afita un estándar pa tol sistema d'organizaciones de les Naciones Xuníes, y diferénciase dafechamente dalgunes vegaes de les definiciones rexonales utilizaes por delles de les axencies especializaes de les Naciones Xuníes por razones de conveniencia organizativa. Asina, por exemplu, el xeoesquema de la UNSD inclúi Xeorxa y Xipre, esti últimu un país miembru de la Xunión Europea, na rexón d'Asia Occidental, mentanto que la UNSD y la UNESCO inclúinlos n'Europa[5].

L'esquema foi creáu con un propósitu específicu, l'analís estadísticu de los datos de toa triba de variables (económiques, demográfiques...), y ta formáu por macrorrexones xeográfiques nes que se dividen los distintos continentes. Dientru d'eses macrorrexones pueden estremase sorrexones de menor tamañu pa facer analísis más detallaos de cuestiones concretes.

Ente los esquemes alternativos a esti podemos citar: la clasificación rexonal del Bancu Mundial[6], la definida nel CIA World Factbook y la de les rexones xeográfiques de la ICANN[7] (Corporación d'Internet pa l'Asignación de Nomes y Númberos).

Llistáu de rexones y sorrexones[editar | editar la fonte]

* Estes tres sorrexones formen, en conxuntu, el continente d'América del Norte.
** Estos dos socontinentes formen en conxuntu el continente d'Eurasia, que nun figura como tal nesta división.

Referencies[editar | editar la fonte]

  1. Lele, Ajey, Asian Space Race: Rhetoric or Reality?, p. 8. Springer Science & Business Media. ISBN 978-81-322-0733-7.
  2. Keller, Reuben P., Cadotte, Marc W., Sandiford, Glenn, Invasive Species in a Globalized World: Ecological, Social, and Legal Perspectives on Policy, p. 128. University of Chicago Press. ISBN 978-0-226-16618-6.
  3. Standard Country and Area Codes Classifications na web de la División Estadística de les Naciones Xuníes
  4. Standard Country or Area Codes for Statistical Use, na web de la División Estadística de les Naciones Xuníes (UNSD).
  5. UNESCO, Europa y América del Norte na web de la UNESCO
  6. Elborgh-Woytek, Katrin, Newiak, Monique et al, Women, Work, and the Economy:Macroeconomic Gains from Gender Equity, p. 7. Fondu Monetariu Internacional, 2013. ISBN 978-1-4843-9529-5
  7. ICANN Geographical Regions, Final Report by the ccNSO Regions Working Group (2007), na web del ICANN.