X Sagittarii
| Constelación | Saxitariu |
| Ascensión reuta α | 17h 47min 33,6s |
| Declinación δ | -27º 49’ 51’’ |
| Distancia | 1075 años lluz |
| Magnitú visual | +4,54 (media) |
| Magnitú absoluta | -3,11 |
| Lluminosidá | 3100 soles |
| Temperatura | 5300 K |
| Masa | 6 - 7 soles |
| Radiu | 66 soles (aprox) |
| Tipu espectral | F7II (variable) |
| Velocidá radial | -13,0 km/s |
| Otros nomes | HD 161592 / HR 6616 HIP 87072 / SAO 185755 |
X Sagittarii (X Sgr / 3 Sagittarii)[1] ye una estrella variable cefeida na constelación de Saxitariu cerca de la llende con Ophiuchus. X Sagittarii, xuntu con Eta Aquilae y T Monocerotis, ye una de les cefeides consideraes fáciles d'atopar nel cielu nocherniegu.[2] Aprosimao un grau al sur de X Sagittarii puede alcontrase el centru de la Vía Lláctea, Saxitariu A.
Asitiada a 1075 años lluz del Sistema Solar, X Sagittarii ye una cefeida clásica que'l so rellumu varia ente magnitú aparente +4,24 y +4,84 nun periodu de 7,013 díes. La so variación en rellumu va acompañada d'un cambéu nel so tipu espectral dende F5 a G9. Con una temperatura de 5300 K, tien una lluminosidá 3100 vegaes mayor que la del Sol, siendo'l so radiu unes 66 vegaes más grande qu'el radiu solar. La so velocidá de rotación proyeutada, 24 km/s, da como resultáu un periodu de rotación igual o inferior a 138 díes. Tien una masa 6 o 7 vegaes mayor que la del Sol, con una edá envalorada ente 43 y 65 millones d'años.[3] Ye, amás, una binaria espectroscópica con un periodu orbital de 573 díes.[4]
Recién estudios suxuren que l'espectru de X Sagittarii puede ser interpretáu en base a dos ondes de choque consecutives por periodu de pulsación. Hasta agora alegárase, tantu dende'l puntu de vista observacional como del teóricu, que debíen d'haber ondes de choque nes cefeides clásiques, magar nun fueren detectaes hasta'l momentu.[5]
Ver tamién[editar | editar la fonte]
Referencies[editar | editar la fonte]
- ↑ X Sagittarii (SIMBAD)
- ↑ Estrelles masives y cómo midir les sos propiedaes por Pablo Lonnie Pacheco (astronomos.org) 29 de setiembre de 2008, visitáu'l 20 de xunetu de 2011.
- ↑ X Sagittarii (Stars, Jim Kaler)
- ↑ Groenewegen, M. A. T.. «Baade-Wesselink distances and the effect of metallicity in classical cepheids». Astronomy and Astrophysics 488 (1). pp. 25-35. http://cdsads.u-strasbg.fr/cgi-bin/nph-bib_query?2008A%26A...488...25G&db_key=AST&nosetcookie=1.
- ↑ Mathias, P.; Gillet, D.; Fokin, A. B.; Nardetto, N.; Kervella, P.; Mourard, D.. «Multiple shock waves in the atmosphere of the Cepheid X Sagittarii?». Astronomy and Astrophysics 457 (2). pp.575-579. http://adsabs.harvard.edu/abs/2006A&A...457..575M.
