X Cygni

De Wikipedia
Saltar a navegación Saltar a la gueta
X Cygni
X Cygni
Constelación Cygnus
Ascensión reuta α 20h 43min 24,19s
Declinación δ +35º 35’ 16,1’’
Distancia 2250 años lluz (aprox)
Magnitú visual +6,48 (media)
Magnitú absoluta -4,73
Lluminosidá 9500 soles (aprox)
Temperatura 6320 K
Masa 10,1 soles
Radiu 78 - 86 soles
Tipu espectral F7Ib (variable)
Velocidá radial +9,8 km/s

X Cygni (X Cyg / HD 197572 / HR 7932)[1] ye una estrella variable na constelación del Cisne de magnitú aparente media +6,48.

X Cygni ye una variable cefeida, una de les más brilloses nel cielu nocherniegu. El so rellumu bazcuya ente magnitú +5,85 y +6,91 a lo llargo d'un periodu de 16,3863 díes, magar se reparó un aumentu de 1,45 segundos per añu nesti periodu. De tipu espectral F7Ib, la so temperatura efectivo ye de 6520 K.[2] El so diámetru varia según la fonte consultada, tando entendíu ente 78[3] y 84[2] vegaes el diámetru solar, bien grande inclusive pa una cefeida; a títulu comparativu, η Aquilae o Mekbuda (ζ Geminorum), dos de les cefeides más conocíes, tienen un diámetru averáu 60 vegaes mayor qu'el del Sol. Consecuentemente ye una estrella bien masiva, con una masa 11 vegaes mayor que la masa solar.[2] Tien un conteníu metálico llixeramente cimeru al del Sol, siendo'l so índiz de metalicidá [Fe/H] = +0,10.[3] La so superficie tópase arriquecida en cinc y nitróxenu, siendo la bayura relativa d'esti últimu elementu más de 3,5 vegaes superior a la del Sol ([N/H] = +0,55).[4]

La so distancia respeutu al Sistema Solar, basada na rellación ente les variaciones de color y del diámetru angular, pue ser cimeru a 3500 años lluz,[3] un valor bien percima del llográu a partir de la midida de la so paralax (2250 años lluz).

Ver tamién[editar | editar la fonte]

Referencies[editar | editar la fonte]