Wood Harris
Wood Harris | |
|---|---|
 | |
| Vida | |
| Nacimientu | Chicago, 17 d'ochobre de 1969[1] (54 años) |
| Nacionalidá |
 Estaos Xuníos |
| Llingua materna | inglés |
| Familia | |
| Fíos/es | 2 |
| Hermanos/es | Steve Harris |
| Estudios | |
| Estudios |
Universidá del Norte d'Illinois Grau n'Artes Tisch School of the Arts St. Joseph High School |
| Llingües falaes | inglés |
| Oficiu | actor, actor de televisión, actor de cine |
| Trabayos destacaos |
Space Jam: A New Legacy (es)  |
| Nominaciones |
ver
|
| IMDb | nm0365445 |
 | |
Wood Harris (17 d'ochobre de 1969, Chicago) ye un actor, actor de televisión y actor de cine d'Estaos Xuníos. Ye conocíu principalmente polos sos papeles como Motaw na película de 1994 Above the Rim, como'l mafiosu Avon Barksdale na serie de HBO The Wire y como Julius Campbell na película de 2000 Remember the Titans.
Carrera profesional[editar | editar la fonte]
Harris nació en Chicago, Illinois, fíu de Mattie, ama de casa, y John Harris, conductor d'autobús.[2][3] Wood ye l'hermanu menor del tamién actor Steve Harris. Llogró un Bachelor of Arts n'Artes Teatrales pola Universidá del Norte d'Illinois (NIU) y un Magíster n'Artes pola Universidá de Nueva York (NYU). Mientres tuvo inscritu en NYU, Harris protagonizó'l so primer papel principal nel drama de baloncestu Above the Rim, trabayando xunto a Tupac Shakur, y apaeció en numberoses producciones teatrales de distintes obres de teatru off-Broadway.
Harris recibió'l primer puestu del New York Film Festival al Meyor Actor pola so interpretación de "Derrick 'D-Train' Trainer" en Morningside Prep, un curtiumetraxe empobináu pol cineasta Malcolm D. Lee. Darréu, foi estrella convidada nuna serie de televisión y sales de cine enantes de retratar al llexendariu guitarrista de rock Jimi Hendrix na película de 2000 de Showtime, Hendrix.
Más tarde nesi mesmu añu, Harris recibió la so primer nominación al NAACP Image Award como Meyor Actor de Repartu nuna película xunto cola nominación del Blockbuster Movie Award como Actor Favoritu de Repartu nuna película pol so papel como Julius "Big Ju" Campbell en Remember The Titans. En 2002, protagonizó la producción Dame Dash, un clásicu del cine de cultu, Paid in Full, basada na verdadera historia de los trés llexendarios capos de la droga de Harlem.
Unu de los sos papeles más recordaos ye'l del mafiosu de Baltimore Avon Barksdale nos trés primeres temporaes de la serie orixinal de HBO The Wire. Harris tamién produció'l so propiu álbum debú, Beautiful Wonderful, que foi llanzáu en 2005. Harris tornó al so papel como'l despiadáu capo de la droga Avon Barksdale por un episodiu de la quinta y última temporada de The Wire.
En xunu de 2008 el direutor Martin Guigui reveló que Harris foi escoyíu como Nate "Sweetwater" Clifton en Sweetwater, la película sobre'l primer xugador negru de la NBA.[4]
En 2009, Harris tuvo un papel principal na película Just Another Day, onde interpretó a un raperu esitosu llamáu A-maze y participó en A Streetcar Named Desire, na que va interpretar el papel de Mitch.
En 2012, Harris narró'l documental Benji de la serie 30 for 30 d'ESPN.
Filmografía[editar | editar la fonte]
- Dredd (2012)- Kay
- Joy Road (2011)- Tony Smalls
- Just Another Day (2009)- A-Maze
- Sweetwater (2009)- Nathaniel "Sweetwater" Clifton
- Dough Boys (2009)- Julian France
- Next Day Air (2009)- Guch
- Not Easily Broken (2009)- Darnell Gooden
- Jazz in the Diamond District (2008)- Gabriel Marx
- 4 Life (2007)- Dayvon
- The Heart Specialist (2006/2011)- Dr. Sidney Zachary
- Southland Tales (2006)- Dion Element
- Dirty (2005)- Brax
- Paid in Full (2002)- Ace
- The Wire (2002–08) (serie de televisión)- Avon Barksdale
- The Gold Cup (2000)- Clayton
- Remember the Titans (2000)- Julius Campbell
- Hendrix (2000) (TV)- Jimi Hendrix
- Are You Cinderella? (curtiu) (2000)
- Committed (2000)- Chicky
- Rhapsody (2000) (TV)- Billy Dixon
- Train Ride (2000)- Will
- Spenser: Small Vices (1999) (TV)- Ellis Alves
- The Siege (1998)- policía Henderson
- Celebrity (1998)- Al Swayze
- As Good as It Gets (1997)- chicu de Cafe 24
- Above the Rim (1994)- Motaw
Apaiciones en televisión[editar | editar la fonte]
- Hawaii Five-0 (2010)- Russell Ellison
- Southland (serie de televisión) (2010)- Trinney Day
- House (2008)- Bowman
- Numb3rs (2007)- Murphy 'Poni' Fuñez
- The Twilight Zone (2003)- Dwayne Grant/Marvin Gardens
- New York Undercover (1998)- Shadow
- Cosby (1997)- Tony
- Oz (1997)- policía Gordon Wood
- NYPD Blue (1996)- Hector
Referencies[editar | editar la fonte]
- ↑ Afirmao en: Internet Broadway Database. Identificador de persona d'Internet Broadway Database: 491732. Apaez como: Wood Harris. Data de consulta: 9 ochobre 2017. Llingua de la obra o nome: inglés.
- ↑ Steve Harris Biography (1965–)
- ↑ http://www.filmreference.com/film/85/Wood-Harris.html
- ↑ http://www.movieset.com/node/6178
Enllaces esternos[editar | editar la fonte]
- Wood Harris na Internet Movie Database (n'inglés)
- Wood Harris en NNDB.com
| Control d'autoridaes |
|
|---|
Datos: Q1321005